【金像奖2018 ．茶水莲姐】唔信自己得奖︰其实我冲咖啡唔好饮！
撰文： 许育民
出版：更新：
第37届香港电影金像奖今晚举行，早前大会率先颁发专业精神奖予入行30年的茶水莲姐杨容莲（Pauline）。
对于莲姐，大家未必认识，但对于她的工作就大感兴趣，到底要点先可以做到呢个岗位，系咪要有一对巧手，冲出如金茶王般的奶茶先做得呢？“其实我冲咖啡唔好饮！佢哋话好饮都系氹我啫！”莲姐笑说。
莲姐今日盛装出席，并分享自己的得奖心得︰“拎这个奖很开心，多谢大会，多谢家人，孙仔孙女今晚都有来，亦要多谢入场看香港电影的观众。多谢演员及助手对她的包容，亦要萍姐（唐萍），是她带我入行。出来工作是要交个心出来的，你对人好人家自然对你好。”
【金像奖2018．茶水莲姐二】客串《算死草》︰一见镜头就脚震
“话好饮都系氹我啫！”
能够做足茶水30年，可想而知莲姐冲茶技俩应该有番咁上下，咁到底莲姐系冲奶茶醒，定系冲咖啡劲？当中有冇咩秘诀？“我自己饮过呀，其实我冲咖啡同奶茶都唔好饮，哈哈……佢哋话好饮都系氹我啫！”莲姐更大赞自己个岗位系整个电影行业中最好做一个，“大家嚟到冇选择，我冲乜就饮乜，一系出去自己买，所以冇乜压力。”听落霸气十足，但相信都系讲下笑搞下气氛。
【金像奖】张继聪蔡卓妍任金像司仪 阿聪15年来首伙拍阿Sa感兴奋
当工作人员系仔仔女女
既然讲到呢行咁好做，系咪有少少心动想跟莲姐入行揾食，有冇计呢？“想入行就要揾人肯带住你，起初跟住我一齐做，收入分帐，到有人识你就可以自己接工作喇。”系咪心动呢？不过莲姐都感慨今非昔比，事关香港电影开戏量大减之余，不少更已北上发展，咖啡茶都变成乌龙茶。“而家全行得几个茶水都唔够做，所以都好少带人入行。”咁到底点先算系一个称职的茶水阿姐呢？“如果你做到当工作人员系仔仔女女咁照顾，你就会称心如意。”