【周末午夜场】《最佳损友》80年代贱男示范　三大金句今日仲啱使

今晚（20/1）深夜翡翠台会播出王晶执导，刘德华、邱淑贞、陈百祥、冯粹帆、曹查理主演的《最佳损友》（1988年3月27日上映）。呢部系30年前的经典，系晶哥喺《精装追女仔》系列以外，另辟一笑片经典。又因为两个系列嘅演员都差不多，好易令人混淆。
电影主线讲翁世杰饰演的徐定富，为阻止细佬徐定贵（刘德华 饰）接手家族生意，决定叫公司三大损友教唆佢，令佢集烂口、烂滚、牛精于一身。

再贱嘴都未必敢拍

其实时下嘴贱者大有人在，“mean精”更是随处可见，不过时代进步，在关注种种歧视底下，好难再将相关内容放入电影当中拎出嚟取笑。好似戏中有幕四位男士争相高价租床位偷窥豆豆（邱淑贞 饰）冲凉，唯独有个唔使钱仲俾番二百蚊津贴嘅，原来系要你牺牲色相俾嗱喳星摸。又一幕讲几个整蛊陈百祥，话佢对爱滋病呈阳性反应，要佢做各种无厘头嘅快速测试，又系劲好笑，不过放喺今日可能又已经引起相关人士不满，要平机会见。

点图放大更多剧照：