【大师新作】宫崎骏正式复出 3月上映首部CG短片看毛毛虫大世界
撰文： 洪晓璇
出版：更新：
2013年宫崎骏完成《风起了》后召开记者会宣布退休，但佢并未全情投入退休生活，近年积极准备首次用3D电脑特技拍摄嘅短篇动画《小毛虫波洛(毛虫のボロ)》， 呢日终于传嚟好消息，短片会喺今年3月21日起于三鹰之森吉卜力美术馆放映。呢条短片长14分钟20秒，由宫崎骏原作、编剧兼导演，系佢首次用CG制作嘅动画，讲述喺黎明时份出世嘅毛毛虫，学习点样面对呢个世界。
相关文章
宫崎骏2019新戏给孙仔做最后礼物 “你想活出怎样的人生”为题
【童年回忆】《天空之城》爆日本社会现象 真经典重播收视胜日剧
呢套短片虽然系呢两年先开始制作，但原来宫崎骏早喺超过20年前，已经构思呢个故事，不过碍于当时嘅技术所限，所以到早几年先开始著手制作。呢次佢揾来制作《攻壳机动队》动画嘅制作公司合作，相隔4年半再有新作推出，暂时只会喺日本三鹰之森吉卜力美术馆放映，相信一定会掀起扑飞热潮，香港嘅粉丝睇嚟要捕实买机票啦。