【儿凶专访】中西鬼后阅鬼无数　罗兰姐靠一件随身物定惊

今日正式上映恐怖电影系列《儿凶》第4集《儿凶4：锁命怨灵》，由现年74岁的资深演员Lin Shaye（林沙烨）继续饰演戏中主角灵媒Elise，早前《香港01》邀得两位超级鬼后对谈。在上一集专访中，两人提到她们各自饰演的角色《儿凶》的Elise及来先《七月十四》的龙婆的来由，今集她们将分享各自认为最惊吓的鬼片及续谈自己的亲身撞“鬼”经历。摄影：陈顺祯

一个十字架走天下

身为龙婆的罗兰姐，上一次她提到某次在和合石与“鬼王”雷宇扬一同拍戏，结果拍摄期间撞“鬼”，“咁我当时真系好惊，咁啊点算呢，今晚去𠮶度拍。咁我就话，嗯！唔怕！我系天主教徒，我陀个十字架咁就唔使惊啦！”不过她笑言原来是自己吓自己，“结果我去到和合石个路，一望！哗！呢边全部系公屋， 呢边就居屋，好多小朋友喺路上玩，咁我心谂，又唔系咁恐怖㖞！”罗兰姐上回提到，她因为拍摄需要而要走到放置骨灰的范围，“唉！都要有啲礼貌啦！咁我就鞠吓躬，讲唔好意思啊，嚟拍嘢骚扰晒啊，点知拍到半夜，我离远一望，有个人孭住一啲嘢，胸前有好多报纸，一路行𠮶阵时呢就噏吓噏吓噏吓，行一阵又唔见咗，半个钟头后又见𠮶样嘢噏吓噏吓噏吓咁又行入去，哗我谂其他人有冇人见到呢，咁我又唔敢出声，惊出声就吓亲人。但我𠮶次只系见到咁样，我相信呢个一定系人嚟嘅，因为佢唔系飘吓飘吓。”

林沙烨：有些现象其实可以解释

但罗兰姐话未完，旁边的林沙烨马上加入“鬼故”话题：“我想，灵魂是会到访每个城市、每个国家，我认为他们在寻找一个，期望我们会找到他们的地方。我都有试过撞鬼，而那个地方是很多人都去过。”虽然她表示曾经撞鬼，但却有个人的一套见解：“有些现象其实可以解释的，我觉得整个地球可以感觉到不同灵魂，包括好的、坏的……坦白说，有时鬼是我们因应自己想法结合一些难理解的现象去描绘出来，如果你认为邪灵鬼神存在，他便会找上你，但若果你放眼更好的未来，那你还有更好的机会让好的灵魂找上你，甚至带好运给你的家庭和朋友。”

鬼后唔怕睇鬼片，但系惊。。。。

对于“鬼”，相信大家都会想到鬼片，出道数十年的罗兰姐，笑言曾经拍过无数鬼片，但仍然会被鬼怪情节吓亲，“我后生时，试过有一次同3个女性朋友去睇戏，咁我话揾一套惊嘅戏睇啦咁。于是我拣咗一套西片叫做《吸血僵尸》去睇，哗！入到场，好惊啊！因为呢，套戏讲个伯爵，日头好地地，但一到夜晚就有两只獠牙出咗嚟，仲攞住个木锤喺度钉钉钉个人……钉𠮶个人，初初系靓女，慢慢变下变下变到皱晒皮，好肉酸，之后慢慢变咗一棚骨，惊到我呢……好紧要好紧要……’”