【澳门国际影展】传余文乐双囍临门 千嬅：唔会呢个时候骚扰人
撰文： 许育民
出版：更新：
第二届《澳门电影展》明星大使之一嘅靓妈杨千嬅，今日就以红色低胸小V领长裙出场，千嬅表示：“旧年作为闭幕嘉宾参加，而今年系第二年参与，作为宣传大使真系大开眼界，依家年青一辈多咗好多机会，希望佢哋加油。”
见到千嬅条红色裙好似松松地，记者就问佢系咪瘦咗，她表示：“近排疯癫排演唱会又做gym，有target（磅数）要追但就仲争少少，仲有啲脂肪喺啲鬼祟位。”
提到《春娇救志明》喺本年度华语片票房冠军，千嬅就话呢个系好结局。至于问到余文乐的婚事，原来千嬅唔系透过Instagram得知，系从朋友口中知道，千嬅当时都有即刻send message 畀乐仔，又话恭喜佢同真心戥佢开心！
记者问到千嬅，有传乐仔今次系咪双囍临门，但千嬅就表示唔知情，千嬅：“朋友唔会呢个时候骚扰人，系都等人返嚟先，不过都真心戥佢高兴。”