【午夜场】吴岱融都有演《江湖告急》　一开场就寸爆梁家辉

睇《反黑》，吴岱融再次以《巨轮2》的鹫哥造型示人，今次角色叫韩彬（彬少），第一集出场，就乱棍狂殴招积，型到爆。
其实吴岱融的江湖味，又点止由鹫哥开始，佢早在《江湖告急》（2000）内就以大口连一角同梁家辉饰演的任因久讲数，句句寸到对方冇订企。

《江湖告急》是港产江湖片的经典，戏中内容一反传统，在一片腥风血雨下增添几分Cult味。至于一开场，梁家辉就要同吴岱融饰演的大口连讲数，呢场戏虽然得几分钟，但吴岱融就尽显其气焰，一味话梁家辉Out，句句窒住晒！

仲以2000年最Hit的IT术语大梁家辉。“你识唔识咩叫上网？”、“咩叫IPO？”、“搞dot com呀！”最寸一句系好话任因久畀佢窒到无声出，“点解呀？因为我有Point！”当然呢个头威佢真系拎尽，只系后来被任因久一个爆樽，谢晒，又再俯首称臣。呢幕好睇在大口连一角演得够乞人憎，好快就令观众投入，而任因久的沉住气也够杀食，令最后一下爆樽，有种大快人心的感觉。