【追龙】刘德华再演雷洛 想同甄子丹交换？ 刘︰王晶真系咁问过
撰文： 许育民
出版：更新：
一位演员，好难得有个机会可以同一角色演两次，仲要唔系续集系列。
刘德华于1991年在《五亿探长雷洛传》中饰演雷洛，想不到26年后又有机会演一次，机会难得。
问到甄子丹，如果同样有这个机会会否考虑？“唔会喇，我都唔想再演歹角。”咁如果下一个合作机会系雷洛跛豪对调呢？
刘德华︰“王晶真系有咁问我呀！”咁会唔会成事呢？
摄影︰江智骞
刘德华学唔掂潮州话
根据真人改编，雷洛的故乡也是潮州，当年华仔理应也要学讲潮州话先系㖞！“我练唔到呀！所以我好佩服佢，自己语言天份不高，都是靠死背，所以成套戏来来去去都是讲两句‘代轻’（意︰大兄）、‘阿直’（意︰阿叔）就算。”
问番子丹，自己答应去学潮州话之后，又有冇后悔呢？甄子丹︰“比我想像中难好多，不过既然接了就要做好佢。我做每一件事，都会问自己做唔做到，然后要相信自己做得到，最后就是点样去做得到！练潮州话是其中一个方法，给予观众新鲜感。”其中“阿兄”一句，就叫他讲了几百次都被老师指不对！“不同地区的潮州话，发音的轻重音都有分别，好难学。”
+5