【多图慎入】小丑女新造型曝光　演伊莉沙白女王一世吓亲街坊

撰文： 何志衡
出版：更新：
玛歌呢个造型实在太需要时间俾观众适应。
玛歌拍摄期间步出室外与工作人员交谈。

在《自杀特攻》饰演小丑女的玛歌罗比(Margot Robbie)样靓又演得，早就俘虏一众观众，当大家都期待佢下一部作品有几美艳性感嘅时候，玛歌却扮丑吓观众，佢喺新戏中饰演伊莉沙白女王一世，橙红色爆炸头加上面上粒粒，几乎连样都唔认得，我唔想相信自己对眼呀！

仲记得《自杀特攻》预告片一出，小丑女已经成为全戏焦点。

玛歌日前喺伦敦拍摄新片《Mary Queen of Scots》，有粉丝喺Twitter po咗几张相，见到玛歌惊吓新造型，橙红色嘅挛发爆炸头，额头几乎铲到上头顶，脸上则一点点红色粒粒加上凹凹凸凸嘅皮肤，同小丑女相比反差实在太大，睇惯咗小丑女同埋《华尔街狼人》靓到绝嘅玛歌又点接受到呢？唔怪得好多网友都话唔敢相信啦！

其实伊莉沙白女王一世呢个角色好多人演过，例如英国女星海伦米兰（Helen Mirren），同埋喺007电影饰演M嘅茱蒂丹契（Judi Dench）等等，但系造型都似乎比玛歌顺眼啰！

有边个接受到玛歌呢个造型？
英国女星海伦米兰（Helen Mirren）都演过伊莉沙白一世。
茱蒂丹契（Judi Dench）演过较年长嘅伊莉沙白一世。
真正嘅伊莉沙白一世肖像，其实玛歌个造型都几似。

畀番啲玛歌嘅靓相定一定惊先！

+4
【DC】小丑女又开新外传故事　Harley会跟漫画版变女同性恋者？昆顿塔伦天奴新戏讲杀人狂查尔斯曼森　揾小丑女做受害女星莎朗蒂