【午夜场】夏天要睇鲨鱼片　42年前《大白鲨》究竟点拍？

夏天梗系要去海滩，去海滩最怕乜嘢？冇人着比坚尼？无厘头古怪油污？我就最惊鲨鱼，就好似鬼咁，未遇过的东西当然最惊，游出海会冇咗只脚，问你惊唔惊。

每年暑假总有一套鲨鱼电影上映，今年的《鲨海47米》讲两姐妹出海入笼睇鲨鱼点知个笼断缆沉入海底，谂起已经标冷汗，但论紧张当然要睇明珠台重播过一万次、史提芬史匹堡的《大白鲨》（Jaws），作为鲨鱼片鼻祖这套42年前的电影已经玩人鲨困兽斗，唔怕死男配角走入防鲨笼中以为真系可以防鲨，点知大白鲨连铁笼都撞得烂，唔咬死都吓死。话说42年前根本未有电脑CG特技，这场面究竟点拍？出海捉条真鲨鱼？其实成条大白鲨只系机械模型，但就做到真嘅一样，但因为当时史匹堡坚持要出海拍摄，搞到机械鲨鱼成日坏，最后套戏超支几百万美金先拍得成，不过有乜所谓，《大白鲨》全球最后收4亿美金，证明史匹堡是真正的大导演啰。