祥赌必赢｜港唔断戏版主看毕“1.0”套撰3千字影评︰唔合格嘅电影
本周二（4日），电影评论平台“港唔断戏”的版主，在Facebook撰文踩2025年的香港贺岁片，声称看了0.7套贺岁片，但观感不好，并一口咬定今年贺岁档票房大跌是合理的。而帖文一出，令其中一部贺岁片《祥赌必赢》的主角张继聪留言︰“今次系我最后一次睇你嘅page 👋🏻”令事件掀起大波，版主随后都有在专页致歉，并于翌日入场观看《祥赌必赢》。但事隔一日，事件未完，今日（7日）版主再出文有延续，除再为事件道歉外，更表示自己已完整看毕“1.0”套电影，并写下3千字影评，内容大致在分析电影在创作上的不是，而结论是︰“一套唔合格嘅电影”。
入场看《祥赌必赢》不是跪低
全文首先是再次为自己的失言致歉，又澄清自己再入场睇并非跪低，但版主觉得这些反应都不是他的考虑之中，重申自己唔应该做“地图炮”，一炮轰晒所有未睇过的香港贺岁电影，所以就入欣赏《祥赌必赢》，再选写影评以正视听。
不过评论一来，便已是一句表明立场︰“（《祥赌必赢》）系一套唔合格嘅电影，而如果要以贺岁片标准，降低一啲观影标准嘅话（我唔认同要降），我又觉得入场睇未尝不可，唔会睇到鎅凳，睇得晒1.0套系好正常嘅事。”
《祥赌必赢》剧本列为“不堪入目”
被评不合格，因为版主自认是个特别注重剧本的人，但港式贺岁电影偏偏最忽视这一环，而版主就为《祥赌必赢》的剧本是列入“不堪入目”的程度，当中包括病态赌徒阿SA与最憎人赌钱的张继聪，二人的恋情发展得不明不白，看不出二人的爱从何而来？直言觉得剧本未完善。
版主又举例戏中其他角色，一样有不够仔细的问题，例如一直迷恋张继聪的“花痴”杨偲泳，“点解佢会咁对全守正咁迷恋，就算对方已经结咗婚，都唔放过对方？我谂张继聪，聪哥一直以嚟戏里戏外嘅人物形象，都未必有说服力饰演呢类型嘅角色……又或者系演全守正妹妹嘅吴家忻，由一开始不屑混韩国半混血儿嘅朱栢康沟佢，点解后来对佢态度有一百八十度嘅转变？”
网民最关心边套系“0.7套”
文中，版主一直都以自问自答方式为读者质问自己，例如自问一句︰“入场睇套简单嘅喜剧，都系为笑吓啫，咁认真做咩？”但下一句自己已解答︰“我睇《祥赌》系咪完全无笑呢？唔系，会心微笑嘅最少系有几个位，但对我而言，会唔会笑，绝对唔系介定电影系咪好作品嘅关键。你见到网上有人大庭广众拍片喺度FING衫唱黑玻璃，一开始可能都会笑架，咁代唔代表条片系一套好电影／好影片？……好遗憾地，电影入面‘胡闹’同‘幽默’嘅比重，可能系八二之分，亦都系我对于电影作为喜剧电影而言，仍然系唔满意嘅原因。”
最后，对于张继聪一句︰“今次系我最后一次睇你嘅page ”版主都有回应︰“系咪最后一次睇我，其实我都无所谓，点都好，我都会继续睇张继聪，睇香港电影，或者世界各地不同嘅作品。而香港电影而家最缺乏嘅，系讨论，各人有时间心力抒发自己对香港电影嘅睇法，亦即系对香港电影有所留意，咁样香港电影先有生机，共勉。”全文长达3000多字，但不少网民最关心的︰“到底边套先系𠮶0.7套”就一直未有公开，这反而是最多网民留言关心。