临时决斗｜麦启光经历杜琪峰的即兴 “凌晨2点Call人听朝开早”
2025蛇年贺岁片《临时决斗》，由麦启光执导，延续去年《临时劫案》成为系列作。电影中胡子彤饰演的高秋，是古天乐徒分，但出战37场都未尝胜利，偏偏又要打下去。现年59岁的麦启光，1989年入行由场记做起，当过多个岗位，更早就当上导演一职，可惜自言未够班，拍不出成绩便还原基本，导演上再次加上副字在前。挨足多年，直至去年的《临时劫案》终让他正式发光。浮浮沉沉，屡尝败绩，胡子彤一角会否就是导演的夫子自道？长输又可以有甚么领悟。
“最近赢咗铺”
麦启光早在1989年入行，几年间已涉猎第二副导演、副导演，甚至当上导演，晋升得相当快，可惜就是太快，经验未累积得够，机会捉不紧，只能拍下些没让自己成名的作品，历年来最多人提及的，都只是有张家辉光环的《流氓师表》。这种不如意的心态，是否等同胡子彤的长输经历？
麦启光︰“胡子彤角色其实跟王丹妮成对比，王丹妮是个好胜唔输得嘅人，面对一个经常输嘅，从佢身上可以有咩得著？最后就真系知道做人唔不一定要赢，输都有输嘅好，正如戏中一句对白︰‘赢开就睇唔到自己有咩缺点’不过呢个唔系我嘅心态，我最近赢咗铺。”
所讲的赢，是《临时劫案》摘下香港电影评论学会最佳编剧奖，是专启光入行多年来首个电影奖项。“拍《临时劫案》前，的确有谂过以后不再拍电影，但决定拍《临时劫案》，唔系想赢番次，而系想证明自己仲有冇能力喺呢一行生存，或者仲做到一啲事情出嚟。”
上年9月谂定收炉
《临时劫案》终令自己有了名声，但最好的时候又遇上最坏的时候，今年市况坏得差点宣布没有贺岁片应市，这个大环境，是否个天再次跟自己开玩笑。“我又冇咁灰，对我来说，睇戏唔一定要新年睇，我今次都系拍一部放在贺岁档上映嘅电影，都唔系传统嘅贺岁片。”
正如《临时劫案》当初都不是为贺岁档而拍，结果在去年贺岁上画收2000多万，其重点是拍一部好睇的电影。“其实贺岁片都分好多种，目的都系想一家人开开心心去睇场戏。我反而紧张之后仲有冇戏开。《临时决斗》系9、10 月开，其中一位剧组同我讲︰‘导演，如果你唔揾我，我谂住今年收炉喇！’佢唔系真系想收炉，系一直冇戏开，9、10月已经打定输数打后都冇机会开戏，被逼收炉。”麦启光说。
杜Sir风格
9月开拍，12月前完埋尾做后期，成套戏由冇到煞科只有3、4个月时间筹备，而跟过杜琪峰做副导的麦启光，就从杜Sir身上学会无剧本拍法。“今次都冇时间写到完整剧本，只有好清楚嘅分场，我哋冇对白，拎住分场就拍。”虽然当时跟杜Sir拍戏都是这种模式，不过今次自己做导演，那份切肤之痛特别入肉。
麦启光跟过杜Sir拍《单身男女》、《夺命金》、《七人乐队》，那些急就章总学会一二，而在麦眼中，他的急也只属皮毛级数。“我哋跟杜Sir度剧本，度听日场戏度到一、两点，佢突然会走出嚟︰‘有场戏帮我揾个看更，几多岁，咩外貌，听朝早更拍㖞！’我哋立即打锣去揾揾揾，落实好晒喇，然后三、四点杜生又走出嚟，听日取消，唔拍喇。咁大家喺度成晚做过咩呀？然后又要打去取消番Booking，但对方通常一听到系杜琪峰，就话明晒，知唔关我事。”