文隽批评论学会奖冷待《破地狱》　田启文不解：可以透明度高啲？

田启文今日（23日）出席“电影导演会教室2024”毕业礼，他接受访问谈及现时香港电影业市场，他说：“我之前讲咗系严冬，而家我觉得系冰河，今年会再差啲。”讲到古天乐较早前说电影很难开戏，他说：“呢样嘢我冇同佢夹，我系睇到成个个市场，大家要观望多啲。”被问到业界如何改善电影发展，他表示：“首先我哋业界要知道电影嘅市场嘅模式，同埋点样变化去竞争，政府方面有啲政策去实行去加快，旧年话开放大湾区市场，而家嘅情况究竟去到边？呢样嘢对开拓市场有好大嘅帮助，去到今日为止冇见到啲咩消息？”

提到现时电影业是否很多人没有工开，他表示：“冇工开系肯定㗎啦！大家都系期望紧之前政府𠮶六部，其他我就睇唔到有咩电影人开戏。”至于现时多间电影院倒闭，他说：“呢样嘢无可厚非，市场嘅策略，咁又唔需要太灰嘅？其实香港观众会睇戏，不过选择性去睇值得睇嘅戏。”被问到较早前文隽狠批评论学会大奖赛果冷待《破地狱》，他回应：“我就觉得个奖项系咪可以透明度高啲？因为我见唔到评论学会有解释《破地狱》系输系啲乜嘢？大家嘅着眼点系咁破纪录嘅戏，呢样嘢就无可厚非嘅，就要透明啲票选机制，究竟系乜嘢准则？台湾金马奖系陪审团制系拉票式。评论学会系用咩准则离去定义呢？又唔系金像奖同金马奖系投票机制。”

提到最近内地有演员在KK园区发生的事件，会否留意业界与东南亚合作有特别要注意的事项，他表示：“庆幸香港就冇呢啲case出现，本身就系香港嘅制作人同埋经理人公司对于呢一啲出埠嘅合作都会好小心，其实都系基于资讯透唔透明，拍𠮶套戏可以查嘅，喺呢方面系咪有啲资讯要俾大家更加小心？”至于现时电影业比较低迷是否会导致警觉性比较低，他表示：“呢样嘢难保㗎！但系大家都要小心，我相信香港人都比较机灵啲，其他我就唔够胆讲啦！”