萧定一狠批《公开试当真》垃圾呃观众：如果呢套戏系DSE，我畀U！

现年50岁的萧定一，曾与资深编剧父亲萧若元创立一元制作室有限公司，之后又涉足过电影发行，且制作过电影《一路向西》、《3D肉蒲团之极乐宝鉴》、《壹狱壹世界：高登阔少踎监日记》、《小男人周记3之吾家有喜》及《栋笃特工》等，亦曾任经理人。虽然旗下中国创意数码娱乐有限公司后来因财政问题遭清盘，他亦于去年被法庭颁令破产，但萧定一仍非常关心香港电影，不时发表评论，而近日他就对YouTube频道“试当真”的DSE纪录片《公开试当真》给予极差评价。

《公开试当真》是游学修、许贤、苏致豪创立的“试当真”，于2023年DSE期间，拍摄许贤陪伴当届DSE考生滕毅康考试的纪录片，导演为梁奕豪（赞师父），电影亦特别找来张叔平担任剪接，电影最终收$550万票房。

萧定一指自己向来“隐恶扬善”，“差嘅嘢我尽量都唔想讲，最多唔讲嘅啫。”但他觉得一定要闹《公开试当真》，因为这套电影“离晒谱”。他狠批这部纪录片毫无诚意，要个“小朋友”（滕毅康）出镜，但方法完全错误，萧定一指电影找来全港最强的补习老师林溢欣及其团队，于四个月内力谷滕毅康，而许贤亦出于对母亲的愧疚重考公开试，他说：“再考许贤都冇考好到㖞！根本成件事个用心就系谂住话，Hea读啦大家，补习都冇用㗎喇，Hea读四个月都唔会成绩好咗，只系如果考试唔好，唔代表你人生都唔好，呢啲我当然完全认同……”

他续说，觉得整套电影最恐怖的，是作为一套纪录片，其拍摄极度不认真，萧定一再踩：“佢好似只系拍咗315个小时嘅footage，你讲笑啦！一部proper啲嘅documentary，你睇吓真系好睇嘅《给十九岁的我》，拍咗七年，几万小时。”萧定一认为团队枉称自己有诚意，并说：“我要插呢部戏，就系因为佢冇诚意，畀我感觉系一部呃观众钱嘅戏。好彩我冇入场咋，80几蚊100蚊睇部咁嘅Documentary，真系我想𠝹櫈。我喺飞机度睇，𠮶个半钟头我好似搭飞机去加拿大咁呀，好似搭咗12个钟头咁，𠮶种冇娱乐性嘅程度，就系因为你唔够footage啰，唔够诚意啰！”

萧定一认为电影只拍一个人去考公开试，从而批判考试制度，却没有拍其他角度去平衡不同论点；而甚者是冇做品格审查，他讲到男主角滕毅康早前再因盗窃被捕一事：“呢个人可以偷完嘢，几个月之后再偷嘢，品德有冇问题呀？”萧定一坦言，根本冇人会钟意考试，但电影在批判考试的同时，却没提出比DSE更好的制度，他举例：“有冇好嘅System去代替佢呀而家？有！你要讲出譬如IB嘅System，咪好过佢啰，可以平时交功课计分，唔使一试定输赢。有冇呢个Angle？冇，乜嘢都冇，冇娱乐性、冇footage、乜嘢都冇，Casting所有嘢都系问题！”

得知电影由张叔平剪接，萧定一说他认为张叔平已经尽力“救”了这套戏，否则根本就只是一套烂片。他更直斥若“试当真”视这套电影为频道的DSE考核的话，他会畀U。他说：“完全唔合格！冇诚意！唔系水平，垃圾！你哋返去检讨吓先啦，拍部咁嘅嘢出嚟，起码最基本，你都要好似《给十九岁的我》拍五、六个学生啦，啱唔啱呀？平衡吓啲角度啦，啱唔啱呀？或者拍长啲时间啦，有啲考试好叻嘅人，结果都可以失败，有啲考试唔叻嘅人，结果都好成功，拍乜春呀你哋？我对你哋好失望，作为新一代，如果你想做电影，唔X好做喇真系！冇诚意啊，真系张婉婷好过你太多喇！”影片在怒火中作结，网民皆留言表示好少见他这么“劳气”，短片末段发火亦甚有萧若元影子。

其实萧若元与“试当真”老板游学修过往都曾因电影有“牙齿印”，未知今次萧定一是否为父出气。2021年2月，萧若元于社交媒体Clubhouse内，就香港电影业未来与一众年轻人激辩，当中包括游学修。双方其后于各自的YouTube频道隔空驳火，萧若元批死香港电影业回复昔日辉煌“机会等于0”，更形容游学修所拍的YouTube片只是“煮饭仔”。

游学修则认为的确难以回到80至90年代辉煌的电影业，但也没必要复制当时的成功，可以行一条新的道路，而“试当真”正是“要用旧嘅语言去做新嘅嘢。”他更有点怒气说：“如果你同年轻人讲机会等于零，你即系叫佢哋去死！”同年年尾，YouTube公布2021年度影片排行榜，频道“试当真Trial & Error”成为年度热门创作者榜首，游学修随即于facebook上发文，点名身在台湾的萧若元挑机说：“萧若元，听闻你上年拿了第 9位，有空回来香港交流交流！”