亚洲电影大奖｜洪金宝任评审主席 生日获大孙请食饭︰好冧
《第18届亚洲电影大奖》今日（10/1）举行记招，除宣布大会评审主席由大哥大洪金宝担任，还公布所有奖项的入围名单，其中《九龙城寨之围城》获得最佳电影、最佳男配角等9个奖项。问到大哥大可有心水︰“《九龙城寨》我有份拍，其他导演又系我老友，当然想佢哋拎晒啦！”
不过身为评审主席，大哥大会以专业角度去分析，不会偏私。“唔会《九龙城寨》就一定好晒，其他电影冇话唔够佢好，每个艺术的观点和思念其实不一样，我够想男主角系洪金宝添，有冇可能吖，冇可能。不用避嫌，每人都有自己的想法。”
身为主席，定当要看毕入围约30部电影，大哥大笑每日要打100支精神剂撑住︰“最紧要当系兴趣去睇，以前日日夜夜都去睇电影，午夜场又扑去睇，而家屋企都有Netflix，系爱好工作的表现，我都希望从中拿到新灵感，令我拍到新作品，畀我拎到个从未拎过的最佳导演奖。”
问到伍允龙凭《九龙城寨之围城》入围亚洲电影大奖最佳男配角，洪金宝都戥他高兴︰“伍允龙系好努力的演员，希望佢拎到，不过唔得到唔出奇，因为次次都得唔到，希望佢今次可以打破宿命。”至于外方面，古天乐于金像奖片单排名上，弃男主角以男配角身份出战，大哥大表示没有过问︰“公司有公司的想法，我完全冇参与到，我都唔清楚。”
1月7日系大哥大的生日大日子，翌日更上载了跟两个孙仔的合照，乐也融融。“生日唔系咩特别事，因为我日日都系生日，点解要生日当日先要特别开心，其他日子唔开心咩？总之一早起身睁开眼，哈哈……我又生存我又生日喇，所以做人唔好剩系为生日先快乐，日日都要快乐，先会朝气勃勃。”而生日当晚，大哥大透露是由大孙请爷爷食饭，甜在心。“好冧，食完饭我叫老婆埋单，个孙仔企外边唔畀我老婆埋单，话已经畀咗钱，唔准我埋单，今次系佢第一次请我食饭。”而平时大孙更喜欢跟爷爷入煮，炒两味︰“好食㗎，都系我教佢。”