卢慧敏心痛谢嘉怡爱犬遭毒杀　“你唔做主人都得，但要做返个人”

电影《得宠先生》上映至今已踏入第三周，口碑载道，电影团队连日来亦四出谢票答谢观众支持。昨日（18日）电影男主角郑丹瑞（旦哥）、女主角卢慧敏（Amy）、导演兼编剧李志伟（Thomas）、电影剪接梁汶珊（Emily）和剪接顾问唐伟荣（阿Wing），到“伯大尼古迹校园”，跟香港演艺学院电影电视系学生分享拍摄点滴以及电影细节。期间提到港姐谢嘉怡的两只爱犬惨遭毒杀时，Amy眼泛泪光表示：“你可以不爱，但你唔可以伤害...”

东张西望｜谢嘉怡爱犬食毒肉身亡　难过非笔墨可形容：真系好心痛

Amy于分享会后接受访问，痛心表示近日收到很多私讯，有关谢嘉怡爱犬惨遭毒杀一事。事情更巧合地跟电影情节一样，更令Amy感同身受︰“每一日喺不同角落都发生紧呢啲咁残酷嘅事，而我哋未必睇到。动物义工、宠物主人其实都面对紧好痛、好残酷嘅现实，呢个世界上亦有好多邓悦娜（戏中动物义工）不停为狗狗去付出。”Amy引用电影对白再三呼吁大众善待动物，她说：“‘你唔做主人都得，但要做返个人’，你可以唔爱，但你唔可以伤害，因为我哋冇权咁做。”

分享会上，Amy回想起电影的最后一幕，与旦哥于山头上抱着小狗时真情流露泪崩时刻，她说：“剧本系冇𠮶下流眼泪，头两个Take同埋试位时候，眼泪已经不停流，喺个心度发出嚟，的确系邓悦娜经历过嘅一啲伤痛。我以为一、两Take就会完成拍摄，但有啲小失误例如狗绳错位，去到第四、五Take我有少少担心会唔会喊唔到，但原来真系唔会，真系可以不停喊。当下𠮶个邓悦娜同Amy已经结合咗一齐。”

而电影中旦哥与饰演“烧腩”的狗演员Little戴着头罩并排坐的一幕，Thomas透露是旦哥即兴演出，更坦承起初不喜欢这个安排，但后来有了新的解读：“开头嘅时候真系唔钟意，因为觉得好跳。我定义佢哋两个相濡以沫，同是天涯沦落人。佳叔同只狗系同一物种，坐埋一齐，大家都系受咗伤。”旦哥直言画面上是不合常理，但假如愤世嫉俗的火爆老人佳叔愿意去做这件事，代表他与“烧腩”建立了深厚友谊。

另外，剪接师阿Wing大爆戏中“烧腩”追车一幕，“偷用”了NG片段令画面更为惊险。他说：“Action之后，Cut之前系一般认为要用嘅Footage，但呢套戏唔系，Action前嘅嘢我会用得着，Footage上系唔要，我偷咗𠮶啲位用，变咗可以生多个危险位出嚟，我剪完出嚟佢哋觉得好啱用就采纳咗。”Amy直言获益良多兼有所启发，说：“唔好俾个框框实，系关于创意，我都学到嘢。”