【午夜场】《超级学校霸王》可能系许志安从影以来最好演技一次

九把刀的《报告老师！怪怪怪怪物》，讲校园欺凌，总结是欺凌人嘅往往比怪物更可怕。怪物治佢唔到，咁“飞龙特警”又得唔得？唔好觉得好陌生，“飞龙特警”即系《超级学校霸王》（1993）中，几位由未来2043年嚟到1993年香港，保护余铁雄法官（张卫健　饰）嘅未来警察，亦即系铁面（刘德华　饰）、扫把头（张学友　饰）同发达星（任达华　饰）。

呢套1993年的作品，当年都算阵容强劲，四大天王欠个黎明就齐章，然后主角系当日打算晋身新一代笑匠但挑战失败的张卫健。套戏绝对系港产片风味之典范，王晶先睇中电子游戏《Street Fighter》（街头霸王）大热有商机，嗱嗱声揾齐几个卖座演员客串几日，版权方面当然冇谂过俾啦，所以角色名冇跟足原著，用街坊街里打街机时乱改的花名，但咁样反而有共鸣。然后边拍边写剧本，一头两个月就立即拍好起货上画，票房收番1,800万，算系咁。

故事角色仲有参考埋《多啦A梦》，除了张卫健叫大雄，仲有造型激似阿福的许志安。每次出场都有人肉声效造势，而且其擦鞋仔角色演得入木三分，墙头草看风驶艃的性格，简直历久常新。睇番安仔其他电影的演出，都真系唔够呢部放，唔够呢部入血，所以要拣许志安电影代表作，首选《超级学校霸王》。