得宠先生｜狗主角Little因病离世　主人谢票哽咽︰终于喺萤幕再见

温情小品电影《得宠先生》踏入上映第二周，在多方挑战下迎难以上，票房已突破200万港元。为多谢观众支持，男女主角郑丹瑞（旦哥）和卢慧敏（Amy）决定加码谢票场，还加开人宠场，其中更请来戏中狗主角，早前因病离世的唐狗演员Little主人Suki亮相，他表示能够在大银幕再次见到爱犬，一度哽咽。

电影上映至今，有份饰演“烧腩”的唐狗演员Little表现赢尽掌声，台前幕后更封她为“最佳女主角”。而Little早前因病去逝，主人Suki感谢剧组给予Little机会时显得非常感触。她早前出席人宠场谢票时说：“好开心《得宠先生》制作团队揾Little做女主角，我一直都唔知Little有演戏天份，对电影咁有热诚，不过我知道Little好钟意人、好钟意热闹，好钟意学新嘢，所以呢个机会...”

分享期间，Suki一度哽咽，全场报以热烈掌声。她续说：“多谢电影团队喺整个拍摄期间畀咗好多爱Little，两年后嘅呢一刻，我终于喺萤幕上再次见到Little，好开心、好感触。多谢旦哥、Amy，所有演员拍出一套咁有意义嘅戏，令大家更关注流浪动物，希望大家支持领养。”Amy感动回应，说：“好多谢你畀Little拍呢套戏，佢真系做得好好！”

得宠先生｜郑丹瑞狗拍档Little已离世　“可以揽住佢睇套戏就好”

关于Little的表现，主角郑丹瑞早前接受《香港01》访问，就透露她是一只极具天份的狗演员。其中一幕讲有只大狗死咗，导演要求旦哥拖住Little去撒骨灰，然后想Little好sad咁坐低，再闻一闻便低头走开。旦哥一脸疑惑︰“仲要低头走开？唔系嘛，你同我讲冇用㖞！”结果到埋位正式时︰“走埋去、坐低、闻一闻、低头行开，做足㖞！真系识听人话咁，然后导演又系话想拍多个，佢又走咗去食嘢，冇你咁好气。”而旦哥得知电影拍完后一多两年，因癌症离世，当时只得6岁。“大家都好唔开心，6岁其实系人类40岁左右，佢嘅离开系好令人伤心，如果佢仲喺度，我好想今日可以揽住佢去睇呢套戏。”郑丹瑞说。