林明祯甩底首映后又突现身 彭发独家回应︰话好神奇揾番本护照
电影《手机见鬼》昨晚（6/12）于尖沙咀举行首映礼，女主角林明祯在活动举行前3小时，突然通知主办因为护照问题嚟唔到，事件轩然大波，在场的导演彭发接受传媒访问时，更表示十分之失望：“佢喺边我唔知，佢梗系冇同我交代啦。”而更离奇系事后，林明祯竟突然在举办首映的商场外亮相，跟粉丝打卡。就事件《香港01》致电导演彭发了解事情，他坦言︰“冇同佢见过面㖞，因为佢系话好神奇揾番本护照仲上埋机，跟住就赶到嚟尖沙咀。”令事件出现罗生门。
彭发︰赶到嚟嘅意思系成个活动已经完晒
昨晚首映活动结束后，大队进入戏院看首映，据知到电影临完场时，明祯却被发现出现在活动地点的商场外，更与粉丝合照，而事前主办并未获对方通知会突然出现，就事件《香港01》致电导演彭发了解事情，并问到林明祯到埗后可有见面？彭发︰“冇㖞，我冇同佢见过面㖞，因为佢系话好神奇揾番本护照仲上埋机，跟住就赶到嚟尖沙咀。但就好似宣传同主办方都认为，咁样揾番本护照出现番，反而会令事件愈描愈黑，更加难解释，所以冇再安排同我见面，亦冇喺活动出现。同埋佢话赶到嚟嘅意思系成个活动已经完晒，记者走晒，所以佢嚟到系得番观众冇媒体，所以先觉得咁样出现番唔系咁好，冇乜意思。”
手机见鬼｜女主角林明祯放飞机首映礼 彭发嬲爆：唔系咁简单就算
未获林明祯亲自道歉 彭发︰私下同佢冇任何联络
至于林明祯突发现身同粉丝合照的安排，彭发亦表示完全不知情︰“佢同粉丝见面呢，我就唔清楚，我完全唔知情。”虽然冇安排见面，但明祯最后有冇私下联络导演致歉呢？彭发︰“我冇私下同佢有任何联络，我哋冇任何联络渠道。”
电影《手机见鬼》将于下星期四12月12日上画，还有一星期时间可以谷宣传，问到导演彭发如果有机会，介唔介意再同明祯同场宣传？彭发︰“我当然唔介意再同佢合作宣传，问题系我之后都冇时间，香港有工作在身，21号又要飞去云南，之后嘅宣传活动都参与唔到。之后打后的宣传安排就要问番电影公司。”
其实在首映礼上彭发开火后，林明祯已于昨晚出Po致歉，而在今日（7/12）下午更新限时动态，上载於戏院门外照片︰“昨日从台北准备飞港出席电影首映，但护照途中弄丢了也赶紧通知主办方们，真的超自责。但庆幸护照最终还是找到了，也赶著最快的航班并赶往电影院。庆幸还能见到来支持我的一些粉丝朋友，非常欣慰。这是我与团队们非常用心完成的作品，没能出席到首映礼感到万分可惜，也请大家多多支持《手机见鬼》。”