爸爸︱翁子光接连揾吕爵安演出新作 “佢喺电影揾到自己定位”
撰文： 莫匡尧
出版：更新：
由刘青云、谷祖琳主演的香港电影《爸爸》，改编自伦常惨剧“荃湾享和街弑母杀妹案”真人真事，电影作为第21届香港亚洲电影节闭幕作品之一，今日（10日）举行首映礼。《爸爸》导演翁子光携同刘青云、谷祖琳、新演员Dylan苏文涛及熊诺颐出席，并于首映礼上接受访问。
Dylan苏文涛首次参演电影便与三届金像影帝刘青云合作，机会十分难得，但在首映礼上却自爆自细较少睇港产片，对刘青云的银幕威水史认识不深。Dylan在访问时则表示：“第一眼见到佢哋嘅时候，觉得有啲气场、有啲距离感！好似喺电视机行出嚟，好神奇！后来开始拍戏，佢哋真人好Nice，因为做屋企人，慢慢距离感就冇咗。”
至于表演大受好评的新演员Dylan如何物色，翁子光导演则笑指：“喺街到执返嚟㗎！”续指：“佢系我哋公司嘅朋友个仔，我哋试镜过好多演员、素人，都未揾到一个啱嘅，最后我哋有个同事话佢好似我口中需要嘅形象，见到相又真系几似！”连Dylan也追问：“即系边种人？”翁导则表示：“A货许光汉啰！讲笑啫，佢有一种令人好舒服、好清彻嘅感觉。”Dylan听到翁导的玩笑，随即怕丑表示：“唔似唔似，许光汉靓仔好多！”
早前有率先在东京电影节及香港少量优先场观映的观众，剧透有MIRROR成员Edan吕爵安在结尾客串现身、饰演成年版厚明的惊喜！导演翁子光回应请Edan客串的原因时表示：“因为我唔剩系一部戏揾佢，今年我监制咗一部电影（《纸盒藏尸》暂名）都系由Edan主演！我一路都好欣赏佢，之前拍《死尸死时四十四》、《过时．过节》同《阖家辣》好多部电影都觉得佢演得几好！我觉得佢喺电影发展方面揾到自己嘅定位！”