爸爸︱刘青云与吕爵安演父子成彩蛋 “佢得一场戏但拿捏得好好”
由刘青云、谷祖琳主演的香港电影《爸爸》，改编自伦常惨剧“荃湾享和街弑母杀妹案”真人真事，电影作为第21届香港亚洲电影节闭幕作品之一，今日（10日）举行首映礼。《爸爸》导演翁子光携同刘青云、谷祖琳、新演员Dylan苏文涛及熊诺颐出席，并于首映礼上接受访问。
刘青云与谷祖琳在首映礼接受传媒访问时，分享与饰演子女的苏文涛及熊诺颐合作过程，青云笑言：“可能大家八字夹啦，我哋围读嘅时候对仔女已经好似好熟咁！（谷祖琳：仲似埋样！）个仔似佢、个女就有啲似我嘅！”提到《爸爸》为苏文涛第一部参演电影，青云表示反而看得到对方没有包袱：“因为佢冇演戏经验，冇咁多痕迹、表演成份喺里面，变咗佢每一个眼神、对话都好真实。”更笑指：“佢哋唔会死记台词，竟然够胆改对白、爆肚！但好自然㗎！”
在《爸爸》里饰演女儿的熊诺颐，在首映礼上透露自己对被哥哥行凶杀死的一幕戏最为深刻，同场演出的谷祖琳在访问中亦透露：“我自己都好深刻！𠮶场戏我都好痛苦，好似真系经历𠮶件事、入咗𠮶个时空咁。我𠮶日成个人都唔喺拍摄时空，直头好似喺案发现场咁，我咩都听唔到、好似耳鸣咁！”更透露行凶过程的戏份，原本不在拍摄计划之中：“导演本来冇谂住咁样拍，因为佢话拍完《踏血寻梅》之后已经怕咗咁嘅场面，但因为当日嘅气氛、仔女全部都好在状态，佢就话真系冇得唔拍㖞！于是我哋就自己做、佢摆部机嚟拍，所以就拍咗𠮶场戏喇！”
《爸爸》先后于东京电影节及少量香港优先场中放映，不少先睹为快的观众已透露刘青云在剧情中有从影生涯最大尺度的亲密床戏，青云受访时回应表示：“首先我同导演、谷祖琳个方向好清晰，大家好钟意呢部戏，我哋尽可能做好晒应该要做嘅嘢。我哋都觉得场戏好重要，因为要表达呢个男人最后失去咗啲咩，表达佢失去之前就系要讲佢拥有啲咩！其实佢系一个生活、情与欲都好充实嘅人，到后尾呢件事（凶案）发生咗，佢失去咗好多嘢！因为有前面嘅部分，观众就会明白佢失去几多！”至于露股的尺度，青云笑言：“为咗电影我哋点都要努力下嘅！”
观众除了剧透刘青云于《爸爸》的突破演出外，更指MIRROR成员Edan吕爵安在结尾客串现身、饰演成年版厚明的惊喜！对于Edan粉墨登场，青云受访时表示：“好似、真系好似，似到好得人惊！见到佢化妆、戴返副眼镜，真系似得好紧要！”谷祖琳亦认同：“个神态真系好似！”青云更大赞Edan好戏：“佢又好嘢嘅，因为佢嚟做一场戏咋嘛，其实有一定嘅难度㗎！又系一场好重要嘅戏，但佢拿捏得好好！”