邪Mall专访｜姜皓文Candy想开捞面档　杨伟伦真法器作法有料到

电影《邪Mall》食正近年其中一个社会现象︰死场！一个水尽鹅飞的商场，欠人流却有鬼溜，而面对种种灵异事件，姜皓文与王家晴（Candy@COLLAR）戏中父女，便由不咬弦变成合力杀敌。至于杨伟伦在戏中就饰演半桶水的道士，但以有限法力都可力敌邪魔，正如在拍摄期间，因为使用真法器，念真经文，搞到自己都有异样。

鸣谢
发型︰Jove Shek（姜皓文）、Ricky Lam , Heitai（王家晴）、Louis Tse@Number8 Hair Salon（杨伟伦）
化妆︰Manman Fong（姜皓文）、Janice Wong（王家晴）、Yannis Yip（杨伟伦）
服装：LaneCrawford（姜皓文）、Sandro（王家晴）
造型师：Daniel Cheung & Alyssa Lai（王家晴）
场地︰K11 Art House

姜皓文︰第一次有咁大个女

在戏中，姜皓文与Candy饰演一对父女，黑哥都忘记自己在戏中第几次做爸爸，但就次次都是女。“可能我系外父相啦，不过系第一次有咁大个女。如果我真系有个女，我系会好纵佢，锡到㶶，爸爸会特别受。”这对父女在戏中是有点不咬弦，源于为父一贯的口硬心软。“我同Candy接触不多，第一场就要演父女嗌交戏，但佢好叻，好快就知自己做乜，仲好有自己想法，唔系叫佢点演就会演足，会消化完再微调。”

至于Candy，一理位就要嗌交，对手仲要经验老到的黑哥。“我系劲紧张，同黑哥第一次合作，一开始都惊太紧张投入唔到，释放唔到戏中情绪，不过黑哥好细心，事前有同我倾偈，好快就令我放松落嚟。”对于黑哥，又点睇戏中呢个女︰“呢个女有自己主见，会自把自为，但其实都系为去追梦，做爸爸都系口硬心软，样样都话唔得，但背后其实默默支持。”

杨伟伦︰拍完真系有少少头晕

杨伟伦在戏中是隔篱舖租客，专帮人搞法事，但只有半桶水功力，面对妖魔全程顶硬上。而现实中面对一堆经文及超越人体力学的手印，都一样要顶硬上。“啲经文系难背，绕口，虽然有师傅在场，但念出来要有节奏。手势动作方面，啲手印点摆已经好难，仲要快速转换好几款，好难练。”

虽然半桶水，不过因为拍摄时用上真法器和经文，就迎来意想不到的体验。“有场戏我要帮人驱邪，未拍前都有啲惊，因为系演一场作法戏，拍摄时有经文同道具，而埋位时问过师傅，经文同道具都系真的，真系用紧招魂铃，拍摄前师傅仲要讲句︰‘唔紧要，我会喺度，你有咩唔舒服就同我讲。’结果我拍完真系有少少头晕，不过可能未食宵夜见饿啦！”

事实上，一个人未有修为去用真法器真经文去招魂，又会唔会有效果呢？“虽然要有修为去念先有效果，但其实普通人一念，都会有灵体八卦想听下。不过我唔系高灵人士，所以就未感受到。”杨伟伦说。

Candy︰想开捞面店

讲到开商场舖，三位都有自己意见，而黑哥更加有实战经验。“以前开过卖小饰物，不过时间好短，最后都系出去街铺生意先好啲。”而Candy就想尝试开一间捞面店︰“拍戏个商店系年轻人聚集，钟意玩游戏卡，偏偏就系冇小食店，畀我就会喺度开捞面店，成本低效益高，我最钟意多粟米多蒜。”

两位男士听后都大表认同。杨伟伦︰“呢啲铺好好生意，唔使太多技术，你只要入货就可以，卖衫你都要考你眼光，呢啲食物都系差不多，而又个个都帮衬。”黑哥甚至建议就一齐开番档，就叫“邪Mall捞面”。