临时决斗︱古天乐演退休拳王 周秀娜开工即受伤︰啲肉爆开缝5针
香港贺岁喜剧《临时决斗》将于明年新春档期上映，古天乐、Gigi梁咏琪、周秀娜、王丹妮、伍允龙、胡子彤、张文杰及“鱼蛋妹”王尹菁等《九龙城寨之围城》班底及新加盟女主角合演，并由《临时劫案》导演麦启光执导，电影今日（26日）举行开镜仪式，一众主演均有出席，为明年贺岁密密赶工。
主演《临时决斗》的古天乐、梁咏琪与周秀娜于开镜仪式后接受传媒访问，谈到古天乐与梁咏琪继《呖咕呖咕新年财》后再度合作拍摄贺岁片，古天乐笑言：“最大感受系今次妳有个女？”梁咏琪表示：“系呀𠮶时未有，依家就有个女。喺《香港仔》我哋有做过夫妻，又系有个女，今次都系有个女！”贺岁新作由《九龙城寨之围城》班底合演，亦让“龙卷风”与“鱼蛋妹”再次重逢，古天乐表示王尹菁大个不少：“个样都变变哋，几个礼拜前先见过，已经唔同咗样，要快啲拍添呀，如果唔系变咗16岁嘅样！”
古天乐于《临时决斗》里饰演一位非常打得的拳王，被问及动作武打戏份时，幽默地再三强调：“系退咗休嘅拳王！（要进行训练？）唔驶！因为我系退咗休嘅！（与城寨同类的回忆片段？）唔驶回忆喇，退咗休㗎喇！”
另一边厢周秀娜则要做好打戏训练：“我训练咗一个月，一直去到10月中开始拍。”娜姐现身开镜时右脚小腿贴上胶布，竟表示原来是真伤：“第一日开工𠮶时就整亲！第一日就畀铁嘅櫈脚整亲，即刻去咗医院、啲肉爆开咗，去咗医院缝咗5针！”梁咏琪、周秀娜与王丹妮等女演员加盟“城寨班底”，打戏亦由他们重搥出击，Gigi透露：“我哋四个女仔喺䢂入面打架！但我唔系打拳，我系扯头发𠮶啲女仔交！”
早前资深监制兼编剧陈庆嘉提及电影市道低迷，仅有三部港产片同时拍摄，古天乐亦就今明两年市况作出回应：“即系预测出年风水运程嘛，我谂你年底问苏民峰师傅会好啲，我唔识预测！我会做好依家手头上嘅电影工作。”另一部贺岁片在拍摄租用场地上闹出风波，被指擅闯徐天佑太太的店铺拍摄，古天乐认为：“本身我系一个演员嚟嘅，租借场地唔系我负责嘅，我真系唔清楚。但我知道呢件事，唔知道当时情况，所以我冇回应啦。”
近日古天乐一段《像我这一种男人》于舞台上撕烂裇衫片段在网络上翻红疯传，在台上被撕开裇衫露出钢条型爆肌身材及大量蝴蝶纹身。古天乐受访时表示略有印象，笑㓈：“𠮶时啲裇衫平嘛，其实可以再多几件！”更表示：“我喺屋企都成日撕，特登买咗好多裇衫返去，冇嘢做咪撕下啰！”至于重演经典片段的可能性，古天乐再发挥幽默本色：“里面著件樽领，你要我撕裇衫啫，冇话要其他嘢呀嘛！”