卫诗雅首夺女演员奖 华鼎奖封后:呢个奖对我太重要!
第39届华鼎奖昨晚(23日)于澳门举行,去年凭《不日成婚2》首次获香港电影金像奖“最佳女主角”提名的卫诗雅(Michelle),凭电影《破·地狱》获得第39届华鼎奖“华语最佳影视女演员”;方中信则凭电影《金手指》于第三届澳涞坞五大洲电影节金莉花奖获得“全球最佳男配角”奖项。石修及欧阳震华则受邀担任“全球最佳男、女配角”及“全球最佳女演员”颁奖嘉宾。
Michelle近年屡获电影奖项提名,这次得奖她表示非常激动,认为无论任何奖项,对她来会都是一个肯定及被看见的机会,“呢个奖对我嚟讲太重要啦!对演员嚟讲系一个肯定。亦都系提醒人哋:‘我仲喺呢行㗎,大家可以揾我演戏。’凭《破·地狱》呢套电影得到嘅奖项即系代表大家好喜欢我哋嘅电影,所以好开心。”问到会否增加来届金像奖提名的信心,她坦言:“感觉会实在啲,信心系高咗嘅。”
电影《破·地狱》中,Michelle饰演一名救护员,她表示这个角色无论在体能及心理上都有很大发挥,“心理上嘅话就系大家睇过呢套电影就会明白𠮶种沉郁,长时间培养沉郁嘅情绪,每日同屋企人好多矛盾、好多争吵,所以𠮶段时间系难过嘅;体能上除咗要练一啲仪式上嘅嘢,亦都要人做好多体能体力嘅瞓练,因为角色系一个救护员,自己对呢方面要求比较高,好希望最贴近个角色,所以有𠮶一刻开始我每日都去做gym,𠮶段时间体能真系几好,同埋大只咗好多,经过呢啲瞓练,之后我真系可以‘称”到个人上救护床。”
最难忘的是跟许冠文拍摄一幕洗澡戏,令她学到何谓敬业乐业,“Michael神喺戏入面饰演我爸爸,有一场戏系我要帮佢冲凉,我记得拍摄嘅时候系冬天,好冻,所有剧组都担心,佢反而话:‘唔紧要㗎,你哋拍到OK先。’佢为我哋嘅画面、剧情需要行先,好唔锡身咁样,我又心痛,觉得好深刻又觉得好犀利,好尊敬佢,喺佢身上面绝对学到乜嘢叫做敬业乐业。”
至于方中信亦表示十分开心,他谓奖项并非属于他一个人,而是整个拍摄团队,是大家一起努力的成果。他谓最难忘是一场戏中他被杀后伏尸泳池的拍摄,“我记得拍𠮶阵时系冬天,其实都几冻,我要趴喺水面,啲水喺鼻涌入去,系呢样嘢辛苦啲,我都着咗潜水衣打底其实都OK嘅,问题不大。导演佢哋都好好,安全措施做得好好,揾咗两个潜水员喺池底Stand by,放晒啲氧气樽,好安全,但系要孭住啲铅带,因为要做到半浮沉嘅效果,恐惧就冇,因为我都有潜开水。唯一系惊个假发会甩,哈哈。”