邪Mall｜与姜皓文演父女获大赞　Candy迎接队友Ivy So吓到走晒样

由姜皓文、王家晴（Candy@COLLAR）及杨伟伦主演的电影《邪Mall》，于昨晚（21/10）举行首映，作为Candy首部主演电影，自己都非常紧张演出效果如何，但在访问时就获戏中爸爸姜皓文大赞︰“唔似第一次演戏！”而身为COLLAR队友，队中另外四位姊妹都有到来撑场，Candy还早有准备，以“惊吓”迎宾，搞到Ivy So（苏雅琳）花容失色。

黑哥早在ViuTV剧集《极度俏郎君》有跟Candy接触过，但由于当时她演宣萱年轻版，所以对戏机会不多，但相隔一段日子再合作，黑哥就有赞无弹︰“原来佢系一个好勤力，好乖好适合做演员的一位艺人，有啲戏份唔系叫佢去做就得，佢有自己想法，令对白更合理和流畅，作为新人真系犀利。（记︰呢位爸爸会畀女儿几多分？)98分啦！两分系未有喺片场孝敬爸爸，不过啱嘅，工作为先。”

而两父女在戏中第一场戏，就是要嗌交。Candy︰“我系劲惊劲紧张，猛睇剧本惊唔记得对白，最怕系去到现场释放唔到𠮶种情绪，黑哥好好，埋位前主动同我倾偈，缓和气氛。”而第一次在大银幕演出，Candy表示自己都怕在大银幕见到自己︰“我一直都刻服紧，就算之前拍的旅游节目，我都需要一个人去做一啲心理准备先去睇。今次起初都惊会尴尬，但慢慢又变成期待多啲。”

点击睇Ivy So吓到走晒样

身边的杨伟伦都好认同Candy的讲法，但就是纯粹搞笑。“我同Candy一样都好惊喺大银幕见到自己，（黑哥︰我都好惊喺大银幕见到你，哈哈……）我知大家都惊，但唔知点解大家都咁惊，我仍坚持去做呢份工作，我都紧张。套戏有咁多僵尸怪兽出现，到时人哋特技化妆咗都靓仔过自己真系会好惊。”