黑白大厨｜白种元现身香港点心店 最钟意食呢款点心盛惠$70蚊
撰文： 许育民
出版：更新：
Netflix厨艺竞赛节目《黑白大厨》，最近成为热话，而节目中无论是参赛厨师还是评审，都成为大家关注人物，每每留意他们的一举一动。而向来都在来港“揾食”的白种元，就被网民野生捕获在香港一餐厅食点心，到底边间食府被呢位金舌头点中，而佢最爱又系食咩点心呢？
《黑白大厨》可谓掀起世界级哄动。其中两位评审的人气更是红到爆灯，尤其是白种元，评语风趣幽默，啜核抵死，有时又好鬼和蔼可亲。而他过往来港“揾食”的影片，亦被不少网民起底重温，无论猪膶面、两𩠌饭定米线，一样食得咁开心，真正香港fans。
而即将在香港开设新餐厅的白种元，早前被网民在中环野生捕获，一行十人拣咗一间叫九号馆中菜馆食lunch，现场不少食客都认得佢。据知十几位朋友都好好胃口，差不多叫晒餐牌上所有点心，而网民更透露，白种元最钟意食原来系鳯爪，因为食完一轮之后，佢仲追加一碟，其他最爱仲有烧卖同排骨，食到四万咁口。
其实呢间九号馆中菜，来历都唔嘢小，佢系米芝莲星级厨师Chef Bombana旗下的一间中菜馆，点心同小炒都非常出名，而白种元最爱的鳯爪，就盛惠$70一碟。