专访｜江若琳自爆曾拒演《高举．爱》　狂食奶粉增肥20磅：食到呕

江若琳（Elanne）相隔七年复出乐坛，最近她发布全新广东歌《一直留在心底的事》，其新歌MV短短发布两周已经突破12万点击，成绩相当骄人。最近Elanne接受《香港01》 专访宣传新歌之外，分享荣升母亲的转变，以及大谈电影代表作《高举·爱》拍摄辛酸等。讲到当年她凭《高举·爱》获得金像奖最佳女主角提名，她忆述当天得知道入围：“我喺张床上面弹起，同埋大叫，我发生咩事呀？全部嘅讯息都系叫我回应，你有乜嘢感觉？跟住我就爆喊，𠮶一日好难忘，呢一个对我嚟讲系最有意义同最重要嘅一刻。”

忆述收到入围金像奖通知真实反应

Elanne出道至今拍过无数的电影，当年她约25岁已经凭代表作《高举·爱》获得金像奖最佳女主角提名，她表示：“呢一出电影对我超级有意义，系我从影以来好大嘅里程碑，第一我终于可以遇到我一个好钟意嘅剧本，同埋好有发挥嘅角色，当年我好冇信心接呢一出戏，我甚至有同邱礼涛导演讲不如你揾第二个，我觉得我自己未够班，处理唔到呢个角色，因为好沉重，𠮶阵时仲好年轻。我好多谢导演鼓励我一定做得到。”她忆述得知金像奖提名的那一天：“𠮶日我喺深圳拍完戏喺酒店好攰，个电话不断咁响，我心谂边一个啊！我拍紧戏，我已经好攰，原来系啲记者朋友同我讲我攞咗金像奖提名，想问我回应。”她继续当刻极度兴奋，并表示：“我喺张床上面弹起，同埋大叫，我发生咩事呀？全部嘅讯息都系叫我回应，你有乜嘢感觉？跟住我就爆喊，𠮶一日好难忘，呢一个对我嚟讲系最有意义同最重要嘅一刻。”

透露拍《高举·爱》受伤入院

谈及拍摄《高举·爱》时是否需要运用许多体能技巧，Elanne直言：“需要好多体能，同埋要增肥20磅，𠮶阵时完全好有压力去增肥其实系肥唔到，系咁食增肥奶粉，半夜真系食到呕，同埋要食干炒牛河巨无霸，再加上𠮶阵时真系跟香港代表队嘅教练去训练，同啲运动员一齐由最基本嘅姿势开始去学，做演员最正嘅一个时刻。”至于有否练习过激而受伤，她说：“我拍呢套戏嘅时候，因为哑铃有重量，跟住铁饼砸亲，之后都有入医院，又曾经拍戏俾马踢受伤，但后生都真系有拼劲，入完医院然后再拍。”

自爆参加金像奖打定输数

被问到当年参加金像奖的感受，Elanne分享：“我觉得𠮶日系最梦幻嘅一日，所有提名嘅都系超劲嘅演员，有周迅、郑秀文同埋杨千嬅，我觉得作为一个新人坐喺呢一个位，已经系最高嘅荣幸，我系好放松，因为我觉得一定唔系我。”她指自己的演艺生涯有很多回忆的画面。提到会否希望在接拍电影，她幽默表示有很多角色都未曾尝试过，并且很期待演绎类似《白日之下》同《年少日记》的角色，她强调：“唔系因为啲演员攞咗奖先咁讲，因为个电影好有讲故事嘅情怀，同埋带到讯息出嚟系好正。”

大谈荣升母亲转变

至于到荣升母亲的转变，她说：“为咗个仔(儿子Owen）生存，同埋会有无限嘅动力，可能做嘢我就会谂，我希望可以努力工作，做一个令个仔骄傲嘅妈咪。”过往爱哭的她，今天转变成为母亲之后直言有所转变，她说：“而家嘅喊通常都系好感动，或者我出街嘅时候会好唔舍得，就会叫妈妈。跟住同我讲好挂住我，好感动嘅moment，唔同以前𠮶种难过，通常唔开心都系因为个仔发烧。”讲到小时候曾经铅笔插嘴唇，导致受伤，也经历许多顽皮的事，她随即大笑起来：“个仔玩具，我梗系会好惊，其实我有阴影㗎！譬如拎住啲嘢尖嘅，个仔又唔系行得好稳，我就会好紧张整到佢。同埋而家嘅玩具都好细细粒，我就会掉，我好惊佢吞咗，好多呢啲家居意外。”

冇计划再生B

讲到老公萧唯展（Oscar)管教儿子的方式，她表示：“爹哋都系通常宠爱个仔，冇咩特别管教方式，系一个超级紧张爹哋，最紧要个仔开心就得。”被问到会否考虑儿子成为“星二代”，她说：“唔可以，绝对不能。因为我哋喺呢个娱乐圈都唔算算系发展得好好，仲要经过咁多嘅挫折，我希望佢好好读书，老公都做咗两年就退出娱乐圈，都知道唔系咁好玩，期望都系希望个仔好好读书，音乐都希望个仔钟意，但系培养佢兴趣为主就可以。”

她指现阶段不希望再追多个孩子，会全程投放在儿子身上。提到会否协助老公生煎包的生意，她坦言：“现阶段完全冇。”她随即分享猫酒店现阶段经营得不错，并表示：“呢个地方系好治愈到我嘅地方，成日冇嘢做，我就会返舖头坐，去陪吓啲猫，经营呢个地方好有爱，每一日都会收到主人嘅留言，令到我（顾客）去旅行好开心，呢个都系我哋经营咁多年嘅宗旨。”她透露目前为止已经经营长达五年时间，与顾客拥有良好的关系。”

点击下图观看金像奖当日江若琳有几明艳照人：

服装：SHIATZY CHEN

Hair: Terry @yondahair

场地：@amorfati_hk@Catsplacehk