紥职3︱菊梓乔保锜恋情公开　黄宗泽谈吴卓羲近况：有一齐过咩？

香港江湖情仇电影《紥职3》今日（19日）举行首映礼，导演吴家伟携同黄宗泽（Bosco）、张继聪、周励淇、陶大宇、林千渟等一众主演出席。电影延续《紥职》系列风格，以全新故事出发，讲述黄宗泽、张继聪及陈家乐饰演的三兄弟引发一连串社内风波，更影响到社团上一代花锦（郑浩南　饰）与阿群（陶大宇　饰）两位大哥之间的权力斗争。

黄宗泽与张继聪作为《紥职3》上集原班人马，主动分享全新故事的角色，Bosco表示：“上次我冇几耐就做咗大佬啦，今次加入咗大宇哥、Mark哥（郑浩南），咁我哋就变咗冇咁大佬嘅大佬喇！”张继聪亦指：“我哋今次好开心可以做返𡃁仔，因为喺片场上慢慢都开始新陈代谢、畀人叫做前辈、咩哥咩哥喇，今次有两位前辈喺到，我哋可以做返𡃁仔，呢种感觉开心啲！”

黄宗泽首次与郑浩南合作，笑言对方有童趣一面：“Mark哥你见佢外型好猛，但同佢倾计好可爱！”张继聪更大爆郑浩南收工时的有型打扮：“我哋拍𠮶时系夏天，佢永远收工𠮶条热裤真系正！系条西裤配对Loafer鞋，你真系觉得出面有架帆船等紧佢，佢准备出海喇！”至于自己能否驾驭该身造型，张继聪笑言：“冇话carry唔到，系人哋承唔承受到咋嘛！我望阿Mark哥觉得享受，我系仔都觉得正，我著嘅人哋可能会去到难受啰！”

刚刚荣升爸爸的陈家乐，今日未有一同亮相首映，黄宗泽分享到家乐的近况：“我会见到佢，佢而家为咗赚奶粉钱，喺马来西亚拍紧嘢，下个礼拜系（《紥职3》）马来西亚嘅首映，佢喺𠮶边等紧我，我去同佢会合。”张继聪则表示谢票活动上暂时由二人顶上：“我哋帮佢顶住先啦，佢呢排要忙工作，谢票我谂佢都会嘅，我更加想佢有时间陪下小朋友。因为佢囡囡一出世，佢就去咗马来西亚拍戏，谢票我哋顶住、佢识做就将啲钱过返入我哋户口啦！”

近日菊梓乔与保锜爆出“保菊恋”，作为女方绯闻前度吴卓羲的好友，Bosco回应兄弟状况时相当出人意表：“有一齐过咩？冇嘢啊，我同佢㖊日先一齐食过饭！”更随即扮与吴卓羲不熟悉：“边个阿Ron呀？我唔识佢呀，我同佢唔熟㗎！”张继聪亦幽默加入指：“吴卓羲听过啰，但系唔熟㗎！听过几Nice嘅但唔熟啰！”