雨夜屠夫︱邵音音透露卢海鹏视力状况　爆日前仍有见面︰佢好精神

香港血腥奇案电影《雨夜屠夫》今日（17日）举行电影发布会，导演邓东明携同霍哥（霍俊邦）、雪儿及邵音音等一众主演到场造势，林耀声及张松枝则因工事未能到场出席。《雨夜屠夫》剧情改编自八十年代林过云的连环杀人性侵案真人真事，并由网络红人霍哥首次饰演屠夫男主角，与资深女演员邵音音饰演两嫲孙，预告片段更曝光大量血腥及案情画面！

邵音音于《雨夜屠夫》发布会上接受《香港01》访问，谈到剧情改编的真实事件时，音音姐忆述当年的震撼心情：“惊到不得了！喺当时报纸头版登出嚟好影响我哋嘅心理！个个搭的士都惊，我记得成班人一搭的士就会抄低个车牌号码，好忧患、𠮶时系社会嘅通病。”

今日悉逢邵音音74岁生日，音音姐在台上分享时笑言：“我畀阿妈呃72年，一直话我系七月十五（农历）生我，但原来系七月十四！因为𠮶时年代，生女好系X街嘅；七月十四生又系好X街嘅！”而她在受访时更表示从前希望自己早死：“我后生因为自己经验唔够、冇人提醒，选择行嘅路都有好多动荡、波折、唔开心，我成日希望自己早啲死！觉得活得冇意思！”但邵音音亦表示到年迈后，经历多次病患后，因为好友余慕莲近年的病况令心态有所改变：“我成日笑余慕莲，又唔烟唔酒、去公园跑步，但最后肺部纤维化，照出嚟成个白晒！呼吸唔到、日日去街要揹个氧气筒。咁辛苦仲希望活多几年！”

邵音音亦表示自己的心态亦被余慕莲所感染：“见到佢生命力好强！”她表示彼此经常通电话：“同埋佢怕死，佢打电话嚟‘音音，我要同你通电话，我谂我挨唔到呢个星期，我就嚟死’其实我心谂我都就嚟死，惊死！但我劝余慕莲唔好惊死，要珍惜每一日！我都鼓励返自己！”亦透露最近有于公开活动与余慕莲见面，大家合照留念亦相谈甚欢。

邵音音受访期间，亦提到另一位老朋友、近日被指右眼视力全失的卢海鹏：“佢好耐喇只眼，佢唔讲畀人听。”她续指对方更注重身体健康：“佢又戒咗烟、戒咗酒，佢都系想长命先会咁！”而最近亦有与卢海鹏见面：“早几日同佢参加一个筹款派对，个个人都好欢迎佢！”更笑言：“佢好精神，不知食几多嘢！”

邵音音曾于《低俗喜剧》与郑中基合作，对于他近日的状况亦有所耳闻：“我系佢嘅影迷，两公婆私底下我都好钟意！人多少有时太辛苦、精神压力太重，都会有不同程度嘅情绪病，希望大家好啦！如果两个人容忍到已经冇办法一齐生活，咁都冇办法㗎！”但音音姐表示自己未有主动联络关心郑中基的状态：“唔可以关心㗎，我嘅习惯系唔问，其实问一次就重复痛苦一次，好似喺伤疤上洒盐。真系爱锡一个人，喺心里面祝福啰。”