海关战线︱Amanda S.隔16年再现银幕　低调谈感情：可以话好开心

英皇电影《海关战线》为香港首部以海关行动部队为主题的动作电影，由邱礼涛执导、谢霆锋领衔主演兼任动作指导，张学友、林嘉欣、刘雅瑟等领衔主演、吴镇宇特别演出，云集一众香港影帝影后级演员阵容！《海关战线》昨日（24日）举行首映礼，英皇集团主席杨受成博士携同一众演员齐集出席，多年未有在大银幕登场的Amanda S.与黄锦燊，亦于首映上亮相并接受传媒访问。

中法混血超模Amanda S.事隔16年未有演出香港电影，罕有演出《海关战线》并突破银幕形象，饰演一位霸气女反派：“导演有讲角色嘅灵感来源，所以我睇多啲戏、去到个好专业嘅场景就进入到个角色！佢系一个Big Boss（大老板）、一个Villain（反派），喺戏里面会卖武器，所以系完全冇做过！”曾经结婚数年后离异，及后鲜有感情消息的Amanda S.，她低调地透露：“感情上可以话系好开心！（对象令妳开心？）No……生活上好开心，有一部戏出到都系好开心！”

同样参演《海关战线》的黄锦燊，受邱礼涛导演邀请于电影中饰演一位富商：“原来我未做大律师之前，曾经同佢合作过，好似系《人肉叉烧包II天诛地灭》！佢知我返嚟做戏，就揾我做呢个角色！”表示拍戏重新与多位老朋友见面，犹其张学友与谢霆锋：“呢部戏两个主角，佢哋第一部戏我都有合作。霆锋九几年喺日本返嚟，我喺无线拍紧《真情》，佢入嚟客串过一集，算系新人啦！”

至于歌神张学友，黄锦燊亦于早年合作：“洪金宝、岑建勋揾咗佢拍《霹雳大喇叭》，系学友第一部电影，眨下眼几十年！依家见佢哋两个有咁嘅成就，都好开心！”笑言学友变得成熟、极有男人味。

年初黄锦燊的妻子赵雅芝现身电影节活动，年过六旬仍保养极佳，令一众影迷粉丝大感羡慕，黄锦燊透露妻子暂活跃于内地公开活动与综艺节目：“佢好少接戏，多数喺国内嘅活动、真人骚会见到佢，但系两个一齐拍戏嘅话，除非无线揾我哋啦！”