龙咁威｜谷德昭爆李璨琛一角原本人选　郑中基演喜剧连梁朝伟都赞

由陈咏燊、黄绮琳等主持的ViuTV节目《导演·门2》每集都会邀请两位不同世代的导演做嘉宾，最新一集就请到谷德昭及陈茂贤分享拍喜剧的感受。谷德昭坦言这个年代引人笑好难，无奈称“大家返晒深圳笑”，陈茂贤亦指：“做喜剧边有得去康城行红地毡，唔有型啰。”

他说，自己眼中的喜剧演员是“要有一颗愿意娱乐人哋嘅心，你要唔怕羞，但系又要怕羞。”而《龙咁威》的郑中基就是当中的代表，他著空姐服时都很害羞，但又愿意娱乐大家。讲到为何会找郑中基拍《行运超人》、《龙咁威》，谷导坦言：“飞机事件之后，我一路有留意中基嘅原因，因为佢当时喺电视台同蔡一杰做《爆笑急转弯》，我有一日喺酒楼食饭，酒楼有电视，啱啱做紧《急转弯》，个个都望住电视喺度笑郑中基，我觉得佢嘅喜剧演绎，同我嘅喜剧系同一个School。我好畀心机为佢写断蟹呢个角色，佢亦发挥到超水准，梁朝伟喺现场都话，我都要认真啲至得！”

节目尾段，主持邀请谷德昭讲一个从未有访问提到的小秘密，他指《龙咁威》中的铁三角组合郑中基、张达明、李璨琛，其实他本应是属意找音乐人雷颂德（Mark Lui）演出吴树喜一角，最终对方却辞演，谷德昭透露：“雷颂德嚟咗试造型、围读，之后辞演，佢同Paco（黄柏高）讲：‘呢套咩戏嚟㗎？’佢话搞唔掂，我就叫佢唔好勉强。”他曾在《求恋期》与雷颂德合作，觉得他其实是好笑的，于是才找他再合作，不过对方就冇信心能演好这角色，而谷德昭觉得，李璨琛亦演得很好，“阿Sam演法在卡通啲， Mark Lui会似大佬少少。”

陈茂贤是新晋喜剧导演，曾执导《不日成婚》系列，以及稍后上映，由许冠文、黄子华主演的《破地狱》，他透露《不日成婚》原名是《杀精36小时》，谷导说：“改呢个名就发咗啦！”但陈茂贤认为这样的话，男仔带女仔去戏院买飞时会很难开口，于是便改名。讲到选角，他说：“我本身净系cast咗卫诗雅，佢系几戆居，但系唔介意人哋目光嘅女仔。”但有趣的是，身边每个女人都叫他一定要叫朱柏康来试戏，而对方亦完美演绎出“灰熊”一角。

两人又被问起睇好这一代哪位演员去演喜剧，谷德昭先后提到凌文龙、陈湛文、张继聪、岑珈其和MIRROR的邱士缙（Stanley），并大赞陈湛文有冯淬帆影子。陈茂贤则想找MIRROR的陈卓贤演喜剧，并说：“我觉得应该揾靓仔做喜剧，咁靓仔唔好剩系做靓仔，靓仔做喜剧得嘅就有排玩。”