公开试当真｜张锦程靠教班过戏瘾　无线曾邀合作但条件问题推却

由许贤、滕毅康（阿康）主演嘅《公开试当真》，今午(23/6)举行首映，曾在舞台剧《我们最快乐》合作嘅张锦程亦有现身。

张锦程接受访问时，透露近期自己香港台湾两边走，以教戏剧为主。“都系睇心情，睇下件事好唔好玩，就好似之前同阿修拍《山寨猎人》。”去年张锦程曾在ViuTV剧集《那年盛夏我们绽放如花》客串，他解释因为自己负责该剧新演员嘅戏剧班，而导演刘国昌因为唔得闲，他才临时上阵。问到有否因此戏瘾起，他说︰“瘾大难搣甩”，所以靠教班过戏瘾。

张锦程2000年离开无线，问到旧东家可有找他合作，他说：“有，不过都系时间、条件问题所以推咗。（要咩条件先拍？）好多㗎，天气都要就，又要夹我教书啲嘢。可能暑期太热。有咩条件⋯⋯角色、价钱、时间，其实都系呢啲条件。”

再问到有无睇无线节目时，张锦程先是笑一笑，并谓︰“要扮古天乐，唔答！哈哈！无咩睇，其实屋企好耐已经无装条天线，因为烦，同埋睇YouTube方便啲，如果有好嘅都会睇。（《东张》访问何伯算唔算好嘢？）吓！𠮶啲唔好嘥时间睇，关你咩事啫。不过我都系朋友讲返先大约知道咩事。”张锦程又话闲时会在网上与旧同事搭嗲，亦有约出嚟食饭。