百老汇电影中心出寻人启事　女影迷寻失联男生︰延续呢段戏院情缘

入戏院睇戏向来是拍拖的必备节目，从中孕育出不少段爱情故事。而昨晚（14/6）百老汇电影中心就在Facebook登出一份寻人启示，是一段来自女影迷的讯息，描述一段失落的戏院情缘。而经一晚转载后，已获2000多人说赞及百多人留言鼓励。

百老汇戏院的小编转述该影迷的故事，表示女影迷于6月5日在戏院欣赏《情留六号车厢》时，因视线被阻挡要调位坐，但观赏视角仍是欠佳而影响心情，事后一位坐在旁边的陌生男生注意到，便立即买下一张6月13日《希望在彼方》的戏票，相约她一个星期后一起看另一部戏，以作补偿。

由于当下没有交换联络方法，只是满心期待当日的来临，更已想好下一趟可以看甚么戏，打算以互相推介看电影的方式，继续交往，可惜去到13号当日，由于种种误会，两人最后无法相认。由于事情与电影《落叶》（Fallen Leaves）不谋而合，戏院小编决定要将故事公开，并约定如果男主角出现，会请两位一起看《落叶》。

贴文一出，一晚过后已吸多达2000个Like，留言都有说“感动”，“希望早日寻人成功”、“留名睇大结局”等。虽然都有网民质疑会否是广告宣传，亦有指早两日，马来西亚亦有发生女影迷戏院寻人事件，暗指抄桥，不过大部分留言都是一份祝福，更有人以周星驰的对白“ 曾经有一段真挚的爱情摆在我眼前，我没有去珍惜”扮作男主角留言。

女影迷全文如下︰

“Hello我最爱嘅戏院🥹

我思考咗好耐，最后都系决定dm你哋！先讲解一下成件事先！

话说我6月5号就喺你哋戏院睇《情留六号车厢》，我坐H5，点知前面个人一直挡住我，我中途就调咗去H7，之后完场我就落咗地下门口心情有啲差，冇耐就有个男仔向我行埋嚟，仲俾咗一张戏飞我，系6月13号晚嘅《希望在彼方》，佢好怕羞好斯文的，佢话见我调咗去坐佢隔篱，所以买咗呢张飞俾我，我同佢解释返件事，最后我哋冇交换到任何联络方法，但我话我13号会去睇㗎！我一直都好期待13号嘅到来⋯（成件事劲Before Sunrise🥹）

点知我去到，入到影院我发现我隔篱（H6、H7）已经有两个女仔坐咗，我𠮶下就以为佢其实系冇买到自己飞🫤

但明明我就记得佢一共系买咗两张飞之后俾咗一张我⋯⋯我就鼓起勇气入戏院问，男同事好好人，佢帮我search购票记录，《希望在彼方》H5、H6的确系一齐售出！所以我隔篱𠮶两个女仔应该系坐错咗，但我当时又冇去问⋯⋯最后我喺戏院门口等左好耐好耐好耐都唔见佢，但其实我都拣咗套戏俾佢，一心谂住同佢继续交换戏飞去延续呢段戏院情缘⋯⋯

我其实已经想放弃，但我又好唔想放弃，因为我觉得咁样去认识到一个同样热爱电影嘅男仔实在好难得，我大概已经用晒成世人嘅勇气去打呢段文字嚟联络你哋⋯⋯我，真系好想揾返佢！”