九龙城寨︱蔡思韵自爆占嫂或最好打　郭富城︰杀人王睇得上唔简单

香港动作电影巨制《九龙城寨之围城》，自五月上画至今一直受尽观众欢迎，本地票房截至今日（8日）已冲破9500万港币，正迈向亿元大关！《九龙城寨之围城》剧情中饰演陈占一家三口的郭富城、蔡思韵与林峰，今日亦趁父亲节将至首度同框亮相谢票活动！陈占一家三口亦在谢票前接受传媒访问，分享银幕里外首次一家团聚的喜悦！

在《九龙城寨之围城》里未有同场演出的郭富城、蔡思韵与林峰，今日于谢票场难得同框，“陈占”郭富城与“占嫂”蔡思韵笑言：“好开心、一家团聚！”郭富城受访时透露一直忙于工作未有时间参与谢票：“因为呢段时间我准备紧自己演唱会，电影公司好想我哋一家团聚，于是趁父亲节（下星期日）、喺呢到大声同大家讲父亲节快乐！”

郭富城与林峰在剧中身处两个年代，林峰表示：“第一次见，嚟紧梗系去支持爸爸嘅演唱会啦！”妈妈蔡思韵见到手抱的洛军“长大成人”亦份外感动，笑言：“可以见到喺戏里面嘅手抱婴儿，一眨眼就变成（郭：巨婴！）咁大个仔，真好开心、老怀安慰！”至于洛军的出生，林峰即场笑指：“大家到时要留意《龙头》就知系点生出嚟！”

谈到《九龙城寨之围城》前传电影《龙头》，郭富城亦确认主演，更透露剧情三大重点：“电影公司有讲过，其实我哋开拍《围城》我知道自己唔会有好多戏份，但系正正今次有三个章节，杀人王呢个角色喺《龙头》，会讲到我同思韵点拍拖、同龙卷风有啲咩当年情、仲有好多打戏，我自己都好期待！”表示剧本目前正在修改中，幕后会尽力超越自己。

谈到被古天乐誉为电影中最好打的蔡思韵，郭富城笑言在前传中：“梗系要星我一巴啦！”而蔡思韵亦期待演出更多戏份：“非常期待！占嫂可能系好好打嘅！你谂下喺发廊入面，三婶一拧转面就话‘使唔使帮手？’你以为佢唔好得，但可能系最劲𠮶个！”郭富城亦笑言：“杀人王睇得上眼，一定唔简单！梗系越打越爱啦！”亦不忘大赞仔仔林峰：“我喺戏院睇阿峰打嘅时候，阿仔打得真系好！（林：畀人打得好咋！）唔系啊！真系打得好好，就同郑保瑞讲阿峰打得好又演得好！”

近日《九龙城寨之围城》推出映后删剪彩蛋片段，焦点为古天乐与郭富城之间更多打戏，郭富城表示：“我同古仔打咗三日三夜，打得好辛苦！虽然剪走咗，但又可以喺彩蛋里面见到，就可以睇到𠮶段厮杀有几激烈！”但透露彩蛋未必有与蔡思韵同场的戏份：“未知㖞！喺脑里面、喺第二集！”林峰亦透露电影删剪一个半小时的片段，不少集中在四子的打戏，连郭富城亦表示想睇！

《九龙城寨之围城》大受欢迎，郭富城却透露“城嫂”方媛尚未入场观映：“佢要我陪佢睇，因为我忙紧演唱会，成日都用借口，但冇得推喇就快要睇！端午节𠮶日可以睇！”至于女儿会否入场支持，城城笑言：“囡囡未得！佢返嚟打我点算！唔得㗎睇到爸爸畀人打，唔掂、止唔到眼泪！”至于端午节陪伴家人计划，郭富城表示已预留假期：“我谂住香港岛泳滩，带佢游龙舟水！上年谂住带佢去，但太迟出去，爬龙舟已经收队，所以今年一定要早啲！”同为父亲的林峰，则表示：“我小朋友喺上海，等佢暑假返嚟一两个月，可以一齐！”分隔两地之下，林峰父女聚少离多，他透露上次见面已为大半个月前：“唔够一个月嘅，中间如果有几日时间都会飞返去。”