专访｜与吴镇宇再合作针锋相对 刘青云︰佢Keep得好好包括性格
由刘德华监制，邱礼涛执导及编剧，刘青云、吴镇宇领衔主演，改编自1998年荷里活作品《冇数讲》（The Negotiator）的电影《谈判专家》，即将于6月13日上映。两大影帝继《喜马拉阿星》后，相隔19年再合作。戏中二人既是好友又是谈判专家，幕幕舌剑唇枪，来到今次访问，二人似乎入戏太深，访问期间同样针锋相对，互窒不让，到底两位系演谈判专家定单打专家？
对白一粒不改？
电影改编自荷里活作品《冇数讲》，戏中两大影帝角色，分别由刘青云饰演被陷害的森姆积逊（Samuel L. Jackson），而吴镇宇就饰演负责谈判的奇云史帕西（Kevin Spacey）。问到两位开拍前可有重温旧作，青云坦言冇，镇宇就更坦白︰“我睇𠮶阵瞓著咗。”青云笑他是否睇无字幕版？镇宇都不介意笑言︰“主要系英文唔好。”其实镇宇都是讲笑，他想说原版Kevin Spacey的角色设定冇Samuel Jackson咁精彩，但港版经邱礼涛改写，成为一位退役警员再转任社工，多一份社会责任。
有看过预告，都发现戏中对白基本上跟原版差不多，原来这有一定原因。吴镇宇︰“我之前演过一个改编舞台剧，你要相信美式剧本的计算方法，从而保障观众嘅观影情绪，如果随意作出改动会失去原本的节奏，美式剧本的节奏好准确，对白上亦不会太多废话。”至于有指拍摄时青云因太辛苦而晕倒，青云就澄清没此事，“只是当时中了Covid停工5日，这部戏拍摄时一点都不辛苦。”
青云赞镇宇︰“keep得好好，包括性格……”
刘青云跟吴镇宇，在90年代尾至2000年初，有不少合演作品，《冲锋队怒火街头》、《高度戒备》、《一个字头的诞生》、《鬼马狂想曲》，直至2005年的《喜马拉阿星》才停下来，一别便19年，二人再聚可有发现对方的不同？刘青云︰“你唔讲系唔觉过咗19年，佢跟之前冇乜大分别，真系所有嘢都keep得好好，包括性格……”
此刻镇宇都不遑多让︰“我社工角色同本身性格都好接近，都系道德层面比较高尚啲，唔会立乱话畀人听拍戏好辛苦拍到晕，散播假消息咁，中咗Covid又唔认，赖落工作辛苦。”这招单打非常出色，青云只好以笑回应。
交换角色有咩想演？
两位贵为影帝级人马，都有不少代表作，而作为演员，可有对方一个角色好想据为己有，拍来过过瘾？刘青云︰“我好少睇吴镇宇啲戏㖞！”刚才的以笑回应，只是强忍，似乎舌战未完。“我记得佢有部戏话患上咩舞蹈症，（吴镇宇︰《爆裂刑警》）系，我记得最后一场戏，佢垂死时挨在汽水机旁，然后跌罐汽水落嚟，呢场戏好特别。”
吴镇宇的选择就是《神探大战》。“同第一集唔同，佢不断喺度讲嘢，第一集后面都仲有班人出来帮手演，呢集可能唔够钱啦，要一个人演晒。我本身都成日被人话好似精神分裂咁，但我又未演过这类角色，未试过将性格呢部分演出来，好玩在冇规限，因为点演都系癫，睇下点癫法。”
镇宇大爆制片唔易做
讲到现实中的谈判机会，可能源于家事或者工作，不过二人同样认同，现实中甚少去说服人。青云︰“说服人嚟做乜，咪由佢。”至于讲到被说服去拍一套戏，青云更加爽快直接︰“唔使，畀钱咪得，哈哈……”镇宇︰“戏剧上讨论会有，唔使去到说服，年纪都咁上下，有啲睇法会太过固执，所以自己睇完个剧本，会再揾人睇下畀下意见。”
而两位都认同，其实片场上都有谈判专家这个岗位，但不是导演亦不是监制，而是制片。刘青云︰“只要有人大大声声行出嚟嗌︰‘导演喺边度？’呢个时候制片就要出去同人倾，呢份工好难做。”镇宇更透露，以前剧组会安排几位制片︰“因为分分钟要拎住张身份证入去差馆坐，因为有啲拍摄系冇申请，非法赛车呀、藏有易燃物品呀、爆炸品呀，好容易就要入去坐两日，唔系呃你。”
青云亦透露有试过这种偷鸡式拍摄手法︰“我试过拍一场枪战戏，叫我哋揸架车去到边度，中间开枪砰砰砰，然后去到边度停车，丢低晒啲枪喺车走人就得，因为冇申请拍摄。”香港电影除咗揾命搏，有时连前途都要押上。