九龙城寨｜郑保瑞用行动解决青黄不接　“讲唔紧要，大家又唔做”

电影《九龙城寨之围城》上映至今一直叫好叫座，票房更冲破8,000万，并向一亿迈进，势破香港影史新纪录。早前导演郑保瑞接受网上频道《低清生活》的方俊杰网上访问（连结），谈到电影上画前都有担心观众仲系咪喜欢动作片，结果反映好戏自然受大家欢迎。至于问到戏中有强烈的传承意味，郑保瑞就表示一早有这意向，并落实结局一定要由五位年轻演员主导，尝试去破解一个比气硬功更难搞的电影圈问题︰青黄不接。

“唔系人人都可以喺舞台上Chok”

主持问到，电影其中一位令人喜出望外的正是林峰，碍于林峰向来是以官仔骨骨的外形挂帅，决定起用他会否感到冒险？郑保瑞就觉得用咩演员都有风险︰“佢拍过电影，但观众似乎未接受到佢在电影出现，其实用边个都唔一定安全，大可以试下。只要佢做得好，其爆炸力可以劲过你觉得好安全嘅演员。”事实上今次正正就得到这股化学作用，至于坊间会觉得林峰就是Chok，郑保瑞反而觉得这足以证明他有做演员的可能性︰“唔系人人都可以喺舞台上Chok到。”

“讲唔紧要，大家又唔做”

至於戏中那份传承感觉，源于选角上大家见到有古天乐、洪金宝，最自然会幻想结局将会是二人大战一场，结果这场戏不单没有出现，而且两位更要中途“离场”，这正正是郑保瑞一早决定要拍的情节。“当我接收这部戏，知道几位年轻角色都好重要时，就知道去到结尾，上一代的几位要离场，要由5位年轻人撑起个结局。”

郑保瑞续说︰“当大家都不停讲冇下一代新演员，讲唔紧要，大家又唔做㖞，咁做咩啫，讲咗个问题出嚟，大家又唔尝试去解决佢！观众冇办法，观众系得个讲字，唔会去拍套戏出嚟，但到我哋有套戏喺手，而余儿原著小说就系集中讲这班年轻人，咁我就顺理成章去做这件事。”

不过郑保瑞就坚持一点，纵要上一代演员在故事离场，但要离开得有尊严。“我唔会揾支机关枪扫死晒佢哋，唔会令上一代丑怪。你见今日古仔（古天乐）、小齐（任贤齐）、德斌（黄德斌）那怕大哥（洪金宝），都冇咩咁唔摆得低，系我哋做创作嘅放唔放得低，如果想安全嘅，最终又系会古仔、大哥打番Ending。而家你话群星拱照几条友，咪群星拱照几条友，每个年代都会有呢件事发生，咪试下做。”至于这个决定是否需要花唇舌去说服老板，郑保瑞坦言会有，但阻力不大，始终大家都想做出这个效果。