拾荒法师｜彭发复工解破产经济危机　透露病妻近况︰每日都搏斗紧

香港惊栗电影《拾荒法师》，由彭发执导，Conroy陈子聪、Josie何超仪监制，何超仪、陈家乐、张文杰、吴冰、汤怡及新人Iman（二蚊）主演，今日（21日）举行开镜拜神仪式，祈求拍摄顺利并会见传媒。

《拾荒法师》导演彭发于开镜礼上接受传媒访问，透露电影经年编写筹备，如今终于如愿开拍：“故事谂咗起码超过10年，机缘巧合讲畀何超仪听，佢好啱做呢个角色，好似为佢度身订造咁！”更分享到是次电影故事的灵感来源：“有个朋友系法师嚟，修行功德要执啲垃圾，原来好多死于非命嘅人，死嘅一刻三魂七魄会依附喺最近嘅物件上面，要执返佢哋超度、还魂！我一听就好有画面，一个执垃圾嘅人原来系一个法师、帮人超度，如果有套戏有个咁嘅角色，我自己都想睇！”

谈到《拾荒法师》拍摄难度最高之处，彭发透露：“何超仪屋企，眼睇系一个拾荒者成屋垃圾、惨不忍睹，但有一个镜头会交代佢里面全部都系灵魂残肢！呢个镜头我相信会好震撼，亦都系呢套戏花得最多钱嘅镜头！”彭发更表示让镜头不仅难度高，而且所费极高：“一个镜头，计咗出嚟系50万，我要谂谂点讲。佢睇咗剧本、知道呢个镜头，但唔知咁贵！”笑言正考虑如何开口向何超仪争取资源。

852电影公司不少作品均为偏锋惊栗作品，评审级别更不少为三级，彭发却表示《拾荒法师》将为例外：“我就系唔要三级，之前几爆大家都睇过，我就觉得不如还原真实、接近生活。”彭发表示自2007年的《冢爱》后，十几年未有正式在香港拍摄整部电影，他直言：“呢套唔考虑内地市场，我返嚟拍就嚟真！我自己都好耐冇认真写一个故事，拍一套鬼片、恐怖片，我返嚟拍就先满足咗自己先！”

去年底，彭发传出为救患癌病妻散尽家财，更一度申请破产；今年初经济状况现曙光，已取消破产申请。谈到复工拍戏，彭发表示家人能分担照顾病妻：“佢家姐会照顾佢。”亦透露妻子病况：“都系搏斗紧，每一日都搏斗紧，会系咁嘅生老病死。”彭发亦表示因为妻子病情改善，于是复工。

至于目前经济情况，彭发乐观表示：“有戏拍、有工作开就OK喇！系啱啱之前唔知点解，谂住有但系突然间冇晒，好混乱呀𠮶时、唔知点解！唔紧要啦，都过咗去喇！”曾有指彭发兄嫂李心洁，在经济难关期间伸出缓手，彭发未有透露进一步情况，仅表示：“佢依家仲拍紧剧、拍紧戏。”