金像奖2024︱余香凝封后不计片酬高低　姜大卫笑指刀锋：未生锈㗎

香港年度影坛盛事“第42届香港电影金像奖”颁奖典礼昨日（14日）举行，一共颁发19项大奖。其中最触目的四项演技大奖中，《白日之下》团队的余香凝、姜大卫与梁雍婷分别夺得“最佳女主角”、“最佳男配角”及“最佳女配角”奖。典礼结束后，《白日之下》团队举行庆功宴，三位得奖演员齐集与台前幕后团队分享得奖喜悦，亦于宴上接受传媒访问。

Jennifer余香凝、姜大卫与梁雍婷接受访问期间，提到余香凝获得“最佳女主角”后于台上感谢女儿的支持，余香凝笑言：“听日瞓醒嘅时候就将条片畀佢睇，妈咪多谢妳啊！（典礼前女儿有鼓励？）我临出门口，佢有同我讲加油、锡我一啖！（借奖座让女儿扮影后？）太重喇，佢会拧唔起，不过我会同佢讲呢个奖对妈咪嚟讲好有意义，代表咗一个梦想！（与老公追多个小朋友？）都够喇，其实有一仔一女都好圆满！”

至于老公一直的支持，余香凝亦再度表达感谢：“每一个角色、每一个试镜，就算而家准备嘅新角色，佢都每一晚同我背剧本、读对白，所以非常多谢老公支持我！（有冇恰眼瞓？）见到佢个样好攰，但系我系咁话再嚟多次！”而荣封影后之后，期待的片酬增长，Jennifer表示：“我谂任何一个演员得奖都同片酬冇关，因为大家都知道香港制作电影成本都唔高，最紧要剧本行先，就算片酬唔高都会做！”而获颁“最佳女配角”的梁雍婷下个目标会否挑战影后，梁雍婷笑言：“下一个目标系迎接下一个角色，冇谂到咁远嘅！”

姜大卫获得“最佳男配角”后，在台上表达对太太李琳琳的感谢，John哥再分享指：“因为今年啱啱好系我同太太结婚50周年，我本来真系想请好多朋友一齐庆祝下，但系佢话唔好、惊辛苦又麻烦到啲朋友。忽然间醒起不如送呢个奖畀佢，系突然间醒起嘅！”至于与太太对自己得奖反应，姜大卫笑言：“个奖系佢嘅、唔系我嘅！”

姜大卫于访问中，亦提到与弟弟尔冬升未来合作的可能性。对于电影，姜大卫表示兄弟之间甚少谈论：“我哋好少，因为大家嘅谂法都唔同，大家都系演员、大家都系导演、但系谂法唔同，可以倾下时下嘅电影应该点，但好少倾你拍咩、我拍咩。（三兄弟拍一部戏？）边有人睇呀？（梁雍婷：我睇！我睇！）得我哋几个睇！好难嘅，睇缘份啦！（把刀冇生锈？）你话呢？未生锈㗎！你话锋唔锋利？”