金像奖2024︱程仁富为直播啰啰挛　童童预告冇冷笑话︰冇带雪柜嚟

香港电影金像奖即将于本周日（14日）于香港文化中心举行，今日（12日）金像奖董事局举行入台拜神仪式，主席尔冬升携同董事局代表文隽、梁李少霞、余安安、钱嘉乐等成员出席，连同表演嘉宾岑珈其、何启华、丽英、周汉宁及大会网络平台直播伙伴“小薯茄”主持程仁富、蔡晓童（童童）及朱柏熹（朱Mic）等出席。

在第42届香港电影金像奖红地毡上，负责网络平台直播的三位“小薯茄”主持程仁富、童童及朱Mic，亦在拜神仪式后接受传媒访问。谈到要在红地毡上与一众演员进行直播，朱Mic立即表示：“好紧张呀！因为今次系我哋第一次做、我哋认为最高殿堂嘅典礼嘅网上直播主持，所以都认真准备咗一段时间！”

童童则希望将欢笑带给登上红地毡、心情亦十分紧张的演员们：“希望我哋嘅直播可以令佢哋轻松啲！”程仁富则坦言整个礼拜均相当担心：“呢几日一谂起呢件事，就成个人啰啰挛！未试过咁大件事，成个礼拜都啰啰挛，直播我哋系做得多嘅，当我哋嘅观众咁广就好惊！”

为了准备好直播节目，程仁富表示尝试将网络材料带到红地毡上与演员互动：“我哋都专门睇咗啲访问，有啲嘉宾可以问佢呢个问题㖞！同埋我哋都揾咗啲小游戏，到时同佢哋玩下会点呢？将两样嘢融合咗！试下攞啲网络嘅嘢，同啲电影人玩，睇下会点！”至于小薯茄著名环节“雪柜冷笑话”，程仁富则笑指：“呢样我哋唔会嘅，因为讲冷笑话呢就需要……”童童随即表示：“需要雪柜呀！我哋冇带到雪柜过嚟呀！”

三位小薯茄成员首次参加金像奖，程仁富表示非常期待见到偶像：“就系黄子华先生！我希望到时对住佢可以好定，做返个专业嘅主持啦！”童童则对自己渴望遇到的演员身份保持神秘：“我自己心目中有个人，但系佢系嘉宾嚟嘅，而家讲唔到！”续指：“男仔嚟嘅！我相信大家都好想见到！”朱Mic则私心希望在现场支持自己合作过的女主角：“我自己今次最想见嘅系阿Kay谢安琪！因为佢今次争‘最佳女主角’，套戏《4拍4家族》都有我，所以私心觉得佢可以赢到呢个殊荣！”