金像奖2024︱何启华撑黄子华《毒舌大状》封帝︰私心希望大满贯啦

香港电影金像奖即将于本周日（14日）于香港文化中心举行，今日（12日）金像奖董事局举行入台拜神仪式，主席尔冬升携同董事局代表文隽、梁李少霞、余安安、钱嘉乐等成员出席，连同表演嘉宾岑珈其、何启华、丽英、周汉宁及大会网络平台直播伙伴“小薯茄”主持程仁富、蔡晓童（童童）及朱柏熹（朱Mic）等出席。

负责担任表演嘉宾的何启华（阿Dee）与丽英，于入场拜神仪式后接受传媒访问，分享各自在颁奖礼上的重要任务时，阿Dee笑指：“我嘅表演、同佢嘅表演，应该系冇关系嘅！”阿Dee亦续指：“我系嚟介绍返我有份参与嘅电影《毒舌大状》！巧妙哋其实都唔系第一次介绍‘最佳电影’嘅提名，我第一次应该系介绍《拆弹专家》，但系系另一种感受，因为呢部我有份参与系好开心！”

何启华于《毒舌大状》拍档兼拍档黄子华提名“最佳男主角”，阿Dee表示私心力撑：“咁梗系撑啦！一定要撑所有《毒舌大状》有份提名嘅每个单位，大家一齐共事知道呢件事唔简单！辛苦嘅、又做得开心！我私心希望佢哋大满贯啦！攞晒咁就一百分！”丽英亦表示会支持同为小薯茄出身、凭《一人婚礼》提名“最佳新演员”的吴冰：“我私心撑阿冰啦，希望佢可以攞奖，另外《填词L》啦。希望大家、所有电影都有好嘅成绩！”

至于丽英在金像奖负责的项目，她亦分享指：“我负责做宣布嘅部分，叫大家记得唔好拍摄、录音呀，我系一个好吉祥物嘅感觉，提下大家唔好做坏事！”阿Dee随即笑言：“佢嘅部分好似电视机观众睇唔到嘅，好珍贵！”而首次参加金像奖的丽英便肩负重要任务，表示不禁感到压力：“我好紧张呀，今年第一次参加金像奖，不过好彩有珈其同我做拍档，佢carry一下会轻松好多嘅！”

近日丽英与影帝刘青云合作咖啡广告，她兴奋地表示意想不到：“我都估唔到可以同青云哥合作，青云哥系超级nice嘅人，我好开心喺当下拍摄𠮶阵我都冇太紧张。”在广告中，刘青云与丽英上演额头贴额头的画面，丽英笑言没有差点锡到：“就好晒位嘅！青云哥讲咗个劲好笑嘅嘢‘呢个系我荣幸’我就吓亲！系我嘅荣幸先啱！”亦笑言自己有少少面红：“少少啦！对我嚟讲佢都系美男子嚟嘛！”