许恩怡练湖南话7个月烦亲妈妈 透露柏安妮未想复出︰想睇书瞓觉
香港家庭温情电影《但愿人长久》，由新晋导演祝紫嫣自编自导自演，台湾演员吴慷仁、袁澧林、谢咏欣、许恩怡（Natalie）及朱栢康等主演。电影今日（9日）举行首映礼，监制李骏硕与祝紫嫣携同吴慷仁与“六位女儿”亮相，吴慷仁难得与六位饰演女儿的演员重聚，在首映上笑言非常嘈吵，一众演员自煞科至今仍然感情要好，气氛依旧热闹。
《但愿人长久》女主演谢咏欣、许恩怡及导演祝紫嫣于首映礼上接受传媒访问，谈到与“爸爸”吴慷仁难得重聚，许恩怡表示：“其实佢一路都会嚟香港拍嘢，我哋都会去同佢食餐饭！”谢咏欣亦指早前有见过吴慷仁：“我前排喺台湾见过爸爸（吴慷仁），不过就系影杂志。”对于吴慷仁笑“六位女儿”齐集时非常嘈吵，谢咏欣笑指：“我哋又真系好嘈嘅！特别系我哋而家呢三个！”Natalie则踢爆导演：“其实我觉得佢（祝紫嫣）把声最大！所以啱做导演啰！”更笑言热闹之间没有谈话内容：“其实唔系讲紧嘢，系嗌啰！”祝紫嫣更即场示范尖叫：“吴慷仁！”
《但愿人长久》于第42届香港电影金像奖提名四项大奖，导演祝紫嫣表示非常高兴：“其实我哋第一次好似一家人咁去参加金像奖，好似去个party！”谢咏欣亦兴奋表示：“好似去旅行咁，好开心！第一次参加就同最熟悉、最钟意嘅人一齐去，真系好开心！”
早前谢咏欣已于台湾金马奖获得“最佳新演员”奖，她亦分享对再得奖的期待：“都系平常心啦，我觉得攞到金马奖已经好幸运！我都希望大家都好开心！（希望吴慷仁得奖？）我会想佢攞奖多啲！（谂定感言？）我都有返上次个speech！会准备下嘅！”导演祝紫嫣则笑指自己早有准备：“我上年已经准备咗个speech喇！我系一个好‘J’（十六型人格）嘅人，无论系点我都系准备充足嘅，我有帮妳准备埋，如果妳有需要嘅话！”
许恩怡于首映上曾表示自己为准备角色，练习讲湖南话长达七个月，不时烦到令妈妈柏安妮，Natalie则笑指：“唔系日日练！”但亦记得不少湖南话对白，更即场示范，但当作为湖南人的导演祝紫嫣尝试翻译成广东话时，竟一时之间忘词，令三人尴尬地大笑！至于许恩怡会否有机会与妈妈柏安妮合作，Natalie则表示：“未呀，Sorry！我再努力啲啦！（妈妈会指点？）广东话如果有难度我会问佢，佢听到唔啱会‘妳再讲多次？’”亦表示虽然自己想与妈妈合作，但柏安妮则希望过休闲的生活：“我想！但系妈咪应该想睇书、瞓觉𠮶种lifestyle多啲！”