白昼如焚︱67岁吕良伟身型保养不靠减食　李靖筠：佢伙食非常丰富

香港悬疑爱情电影《白昼如焚》，由邓丽欣、刘以豪、吕良伟及李靖筠主演，电影昨日（28日）举行首映礼，监制陈嘉上、导演李保樟携同一众演员出席，台湾男神刘以豪更罕有来港与现场观众见面！《白昼如焚》除了台湾香港男女神合演外，更有资深前辈吕良伟带领歌手李靖筠参与演出，二人分别饰演警队里的上司下属。

吕良伟与Gladys李靖筠于《白昼如焚》首映礼上接受传媒访问，分享首次合作的感受，吕良伟盛赞李靖筠的表现：“我觉得认真同埋聪明、灵活嘅！我哋拍戏做一个演员，唔系三年五年就有一个角色、有人注意嘅表现，所以我成日觉得作为一个演员好辛苦，可能要超过十年嘅功力先有一个角色慢慢畀观众接受，希望妳可以有个突破、快啲唔驶咁耐！”

李靖筠则感谢拍摄期间吕良伟的照顾：“吕哥一路都好锡我！”Gladys亦分享指：“我第一次做警察呀，𠮶时特登剪咗一个再短啲嘅头发，希望似返啲纪律部队，打扮上都会再中性啲。反而准备呢个角色要改变好多肢体上嘅习惯，可能我平时好懒会寒背，但系作为一个警察要企得直、动作firm啲，喺呢啲方面落多啲功夫。”至于剪头发是否算是牺牲打扮，Gladys笑言：“都唔算牺牲，头发会生返嘛！”

与吕良伟在《白昼如焚》饰演两师徒，Gladys笑言：“同吕哥做嘢有一样好，就系佢伙食非常丰富！我成日黐餐！”吕良伟则表示：“食方面我可以安排啲自己钟意食嘅嘢，还掂都叫、就叫埋佢一份啰！”年届67岁的吕良伟外型保养极佳，他分享秘诀表示：“我Keep fit唔系靠减食嘅，我有一个方法、一个运动保养方法！”至于会否传授秘诀予Gladys，吕良伟则表示：“佢而家瘦咗啲，有啲营养不良，可以再喺营养饮食上再调节。”