金像奖2024｜韦罗莎为行红地毡备战 每晚等囡囡瞓著做Workout
撰文： 许育民
出版：更新：
《第四十二届香港电影金像奖》将于4月14日举行，韦罗莎（Rosa）凭电影《年少日记》竞逐最佳女配角，今次亦是Rosa首度入围，首度可以行红地毡，为此她高度重视，早前在导演会晚宴上已修身成功，但原来未够，趁仲有20日时间，Rosa再加操，希望以最靓状态示人。
身边朋友见Rosa突然清减，以为她对自己太苛刻，但她就在IG发文细讲自己点解有呢个决定。“有朋友以为我对自己很harsh，以为我唔食嘢，逼自己要咁，但系我想响度分享，I feel really good！因为实在太耐冇pick up运动，开头系好难，好唔想，但系一开始咗，有少少上瘾，因为运动完，出完汗，系精神啲，状态好啲，少咗啲negative energy, and that is what makes me feel good!”
Rosa更进一步分享自己的饮食习惯，其实好简单，大家都做到︰“我冇特别跟什么diet plan，只系俾自己breakfast可以丰富，打后lunch 就light 啲，Dinner 就系菜同肉同藜麦，no carb。”至于做运动，因为身兼母职，原留在家中，更需要等囡囡瞓著先可以做运动。“阿女瞓咗，我就开YouTube，揾啲 Dance Workout 跟住跳，That’s pretty much it!”
最后佢仲特别多谢金像奖，除咗感恩得到提名，更俾咗一个好好嘅原因要自己发奋图强，甩走啲mom weight︰“令自己轻咗，舒服咗，Look and feel better about myself ，咁，真系已经赢咗。”