曾志伟力撑Loong 9有热度　回应被阮民安取笑︰又唔讲点提拔佢

由曾志伟、陈家乐、周家怡、恬妞主演的香港温情喜剧《出租家人》，今日（14日）联同福幼基金会举行慈善放映，由福幼主席曾志伟携同导演刘伟恒、恬妞、周家怡、车婉婉等等演员一同出席。放映会前，曾志伟与恬妞接受传媒访问，分享二人事隔三十多年再合作的点滴之余，更回应最近爆红的亚洲超星团组合“Loong 9”改名热话。

近日曾志伟为亚洲超星团新组合取名“Loong 9”，在网络造成热话，更被不少网民抽水！曾志伟受访时回应效果正如自己预期：“我谂都系因为个热度，自从选咗佢哋出嚟、改咗咁嘅名，呢个就系一个效应啰！开头都好多人话，有冇搞错改个咁嘅名？有冇问题？我话冇问题呀，而家咁多人讲紧、炒到咁热度高到不得了！”

至于Loong 9被不少网民抽水，曾志伟表示未因此感到压力：“冇压力！大家慢慢放长双眼睇，你就知呢个名系好事！”亦豪言表示：“只要班人会红，个名就系好！佢唔红就会话佢改错名！”曾志伟更举成龙的经典戏名为例：“《A计划》成龙点解要改个咁嘅名，改住先㗎咋！咁而家个个都知叫《A计划》啰！其实好多名都唔知点嚟，但结果咪家传户晓！”再续指：“《警察故事》咁，讲警察嘅一个故事，咁改得好唔好呢？改𠮶时话‘你冇名喇？改叫警察故事？’仲有第一集、第二三集！”

曾志伟与谭咏麟旗下的Stareast曾推出组合E-kids，前成员阮民安日前发文指有另一队名A4，由曾志伟所改、所以对Loong 9并不感意外。曾志伟表示对旧事没有印象：“呢啲梗系唔记得啦，边记得咁多嘢！”续指：“一路都提携啲后生嘅，其实名嘅嘢改出嚟都系两样，改出嚟开玩笑嘅又有、真系改嘅又有。但系我改过咁多个名，点知边个打边个呀！”至于会否不满阮民安重提旧事，志伟笑言：“呢啲事都嬲点做人呀？佢又唔讲我哋点提拔佢，剩系讲呢啲事，我觉得好奇怪！不过冇所谓啦，我哋喺呢行带过唔少后生仔出嚟，呢啲好少事。”

曾志伟：恬妞话‘攞跑’

曾志伟与恬妞事隔三十多年再合作，拍摄温情的《出租家人》，情节连作为演员的恬妞亦深受感动：“我自己喊到，我都唔知自己系咪（套戏）做演员嚟，喊到究竟系咪我自己拍㗎？喊成咁，但系真系忍唔到！”恬妞亦续指：“我哋呢套《出租家人》真系唔系喜剧嚟㗎！不过系好欢乐，会喊到不知你自己喺边到！”曾志伟则大开玩笑表示：“我见到佢喊成咁，我自己都唔敢喊，要不停攞纸畀佢！”

恬妞近日留港为《出租家人》宣传，接连出席谢票场与观众见面，曾志伟突然开玩笑指：“恬妞话‘攞跑’㖞！攞住个手袋跑！（你会唔会裸跑？）我惊吓走啲观众咋！为咗我唔好裸跑，我惊佢哋唔嚟！”表示电影为观众带来正能量，提醒大家要珍惜爱锡家人。谈到拉近与家人关系，曾志伟女儿曾宝仪长居台湾，曾志伟表示拍摄《出租家人》时已经想起女儿：“唔驶等到睇，拍紧𠮶时已经有！所以我今年过年咪返咗去陪佢哋啰！”

至于来日观众能否在《出租家人》谢票见到罕有在香港的恬妞，曾志伟笑指：“恬妞日日去谢票，谢到个人都谢喇！佢话谢到5000万先走㖞！”恬妞亦笑言：“真系㗎！头先有人问我几时走。走？我唔想走呀！呢套戏要到5000万！我要谢到5000万！”