大专生都要畀家用？港男被迫做兼职赚钱食饭交学费　网民：大癫！

未正式踏出社会工作，家人已要求交家用？有大专生在网上发文大呻，指母亲要求正读1年级的他交家用，更要他自行承担一半学费。他指母亲认为“18岁开始就应该要畀”、“话住喺度就系要畀家用”，又透露他现时三餐及电话费都要自行做兼职赚钱应付，急问拒交家用是否正常。有网民表示同情，留言称“Yr1要交家用真系大癫”、“其实仲读紧书，又冇屋企饭，畀咩家用，你当我租客？”，又感慨“自己原来好幸福”。

楼主在Dcard以“老母要我比家用同埋比一半学费”为题发帖，表示自己今年正就读大专1年级，平日要做兼职赚钱以应付生活开支，母亲“今日无啦啦话要畀家用佢，18岁开始就应该要畀，话我唔知点解变成咁”。他大呻母亲是“超级唔讲道理嘅人”，现时已要自行处理一日三餐的膳食及电话费开支，“要佢（母亲）负责3餐，佢会问我点解唔体谅佢，话咩人哋个仔都系煮畀老母食”。

楼主表示长期无“住家饭”，饮食开支令他难以储钱，忆起昔日中学时每周只有200元零用钱，幸好有朋友接济，“冇fd（朋友）我应该系饿死了”。

帖文引起网民热议，不少人表示同情，“又要马儿好，又要马儿不吃草”。有同样读大专1年级的网民分享，现时屋企每月给3,000元零用资，“我都要自己补习帮补先够，家用一定企硬唔交，学费最多学资处借”。楼主大表羡慕，称：“好幸福，我真系冇办法啦。”

有网民说笑提议楼主“同佢讲：得，问亲戚借，话佢哋听系你要我借钱俾学费同家用”、“如果佢迫你，第时就佢自己养老啦””，楼主无奈指现时只能无视母亲要求。

（Dcard）