企巴士走廊揿电话！港男被公审阻碍乘客上车　出PO者因1点反挨批

继关爱座后，现在连站立位置都引争议？日前有乘客不满发文，指搭巴士时看见有男士站于狭窄走廊间，批评对方阻碍其他乘客上车，以致“个个巴士站企满人”，并斥对方“仆X”，惹来网民热议。有人认同楼主指对方自私；不过更多人留意楼主应坐于四人座位，对方站立位置根本对其无影响，故反斥其多事，“你让个位畀佢坐，你企入啲咪得啰”、“企到出唔切嚟落车，你满意未？”。

楼主在facebook群组“香港交通及突发事故报料区”发帖，不满怒斥“个个巴士站企满人上唔到车，都系因为呢啲仆X”。图片所示，巴士下层大部份座位都坐满乘客，1名男乘客则戴着耳机并凝视手机，单手紧握扶手站于巴士狭窄走廊间。走廊后方其实仍有大量空置，他却没有移后，令其他上车的乘客只能被迫站于车头，变相令“企位”变小。

虽然有网民认为涉事男子“阻住晒”，“小X佢啦”、“试过坐尾班车，啲人死都唔行入去，十几个人上唔到车，要自己转车返去，太自私”。惟更多人留意到楼主拍摄位置应该是坐于四人座位，故指公审属多此一举，“你让个位畀佢坐，你企入啲咪得啰”、“不如话前面啲人全部哑嘅，唔X叫佢死开”、“如果未上够人个司机系会继续上，到啲人被塞住上唔到，个司机会安排，的确唔使乘客去干涉边个企边度”。

亦有人为男子平反，“企侧边无乜唔妥”、“企到最入落车咪又烦到人”、“佢要企到几入先唔会俾人影相公审？企到出唔切嚟落车，你满意未？”、“咁佢隔篱𠮶几个都唔肯行入去，你唔影埋𠮶几个？”。

（FB“香港交通及突发事故报料区”）