元朗扒房只收现金　港女唔够钱去提款　斥职员凶神恶煞：似想打我

今时今日仍有不少餐厅只收现金，食客只能真金白银找数。有港女在网上大呻，最近前往一间从未帮衬过的怀旧扒房，正想用信用卡埋单时，才发现餐厅只收现金，连八达通机都没有，偏偏她没有足够现金找数，打算放下手机和手袋以作“抵押”，去柜员机提款，询问女职员可以将袋放在哪儿，港女形容对方回答时“态度奇差”，待她折返埋单时，觉得一位男职员“凶神恶煞咁望住我，好似想行埋嚟打我咁”，港女即场表示自己并非食“霸王餐”，而且不会再帮衬。
网民纷纷表示“好多茶仔都只收现金，普通餐厅服务系咁上下，就系无服务，你睇得自己太重，睇开啲啦”、“你‘觉得’同‘假设’同‘幻想’好多嘢”。

楼主在facebook群组“香港茶餐厅及美食关注组”用了大约1200字交代事件，由于想“食个快饭”然后买𩠌，听闻元朗有一间怀旧扒房食物质素一般，但胜在上餐快，所以即使从来没有帮衬，但都入去用膳。

楼主形容味道一般，正想用信用卡埋单时，才知道扒房只收现金，“真系唔知道呢间历史悠久嘅餐厅，连最基本嘅八达通都无，习惯食嘢嘅地方都有八达通或餐厅可用信用卡”，唯有向收银女职员说声“唔好意思，𠵱家去㩒”，打算放下手袋和手机，高速跑去柜员机提款，询问对方可以将袋放在何处，楼主形容对方“语气唔系几好…就话咁放低啰，态度奇差”。

直到她快速提款折返找数时，“全间餐厅嘅阿姐同阿叔就用啲好奇怪嘅眼光望住我，然后喺我后面有个高高瘦瘦嘅男人凶神恶煞咁望住我，好似想行埋嚟打我咁”。楼主形容当时感到害怕，收银阿姐叫同事走开，“之后个凶神恶煞嘅高瘦男人就行开咗少少，但啲眼神都唔系友善”。楼主惊到向收银阿姐表示“佢做咩喺咁睥实我？以为我食嘢唔俾钱呀？”，随后再指自己第一次帮衬，不知道只收现金，“到我出门口嘅时候，我话下次都唔会再帮衬”。

网民纷纷表示“佢恶系佢问题，但讲到冇带现金就唔系自己责任咁，明明冇带钱重要赖返人哋唔收卡就系人哋错，咁你都要好好反省一下”、“好多茶仔都只收现金，普通餐厅服务系咁上下，就系无服务，你睇得自己太重，睇开啲啦”、“你‘觉得’同‘假设’同‘幻想’好多嘢”、“几句表达到嘅嘢，写咁大篇文，食嘢带唔够钱，所以被餐厅X面”。

（facebook群组“香港茶餐厅及美食关注组”）