拐杖婆婆欲坐港铁关爱座　港妈竟冲前霸位　乘客眼火爆让座再咁做

虽说只要有需要就可坐关爱座，但面对老弱主动让座也是应有之义。有港男近日乘搭港铁，看到1名需要拐杖辅助步行的婆婆打算坐到关爱座，行近座位之际，1名港妈却突然冲前“摄位”，为年约3岁的儿子“霸位”。最终港妈并无让出关爱座予婆婆，港男目击过程直言“火都来”，当下先让座予婆婆，转车时又刻意于港妈一家身旁嘲讽，对方丈夫疑感尴尬，其后带同妻子及儿子走到远处，帖文引来网民讨论。

“真系睇到眼火爆……”该名港男于facebook发文，指本月18日下午，于北角乘搭港铁过海往将军澳方向时，看到1名需以拐杖辅助步行的婆婆，上车后慢慢步向关爱座。正当婆婆即将走到座位之际，港男指1名操“流利广东话夹一两句英文”的港妈突然冲上前，挡于关爱座前方为儿子霸位，“摄咗喺个阿婆前面，企咗喺个关爱座前面等佢个3、4岁嘅仔走去坐”。

港男形容婆婆当时“呆一呆，企咗喺个港妈隔篱”，而港妈仅望了婆婆一眼，未有任何反应，“继续畀个3岁精精神神嘅细路跳下跳下咁去坐个关爱座”。港男直言“见到火到来”，于是立即起身让座予婆婆，又指港妈的丈夫目击一切但未有作声。

婆婆坐下后感谢港男，他于是问婆婆是否主动让出座位给小朋友，“佢话唔系，佢话见个女人一嘢摄埋去，佢仲以为个女人咁好心帮佢霸位”。后来港男于油塘站转车，在月台再次遇上港妈一家，决定为婆婆出头，在对方身边“大大声讲：‘X，都唔知人点做人阿妈，教个仔去抢阿婆位……’”。他指港妈丈夫见状疑感尴尬，“即拉个老婆同个仔去无雷公咁远等上车”。

港男事后仍为婆婆感不值，批评涉事港妈教坏儿子，“讲真，如果个细路系瞓着，佢抱住，我觉得ok，但佢抢个用拐杖嘅阿婆个位，仲要系望到个阿婆。真系心谂，唔X系啊……我以为个阿婆识佢哋或见细路让佢，点之唔系”。

帖文引来网民讨论，不少人批评涉事港妈成为儿子最坏榜样，“唔理咩人讲咩语言，𠮶位所谓‘妈咪’本身已经系冇家教，位‘爹啲’见到都咁都唔出声，唉，希望唔好代代相传至好”、“而家做人父母𠮶啲，觉得自己个小朋友就系一切，全世界嘅人都要让佢嘅小朋友”、“所以做父母真系要考牌”。