后生仔搭港铁头等坐地下食外卖！港男公审掀骂战　网民：见到心酸

港铁车厢不准进食，但一样可引起争议？有港男今早（17日）在北区街坊群组上传照片，拍到有年轻男乘客坐在港铁头等车厢地板，打开连锁快餐店的外卖开餐，批评“下次试韩烧或者打边炉啦”。帖文引起争议，部份网民认为对方似年轻人赶上班，“可能有得拣佢都唔想系到食饭，给多点包容吧”、“见到心酸”，但另一部份网民认为他在车厢内吃大味食物而非面包，“呢啲唔系包容，系纵容”。港男后来指该男乘客“一路食一路打机”，并无意快快吃完减低对他人影响，“如果有理由就可以唔使理规则，咁定规则嚟做咩”，强调“Post上嚟呃like咩”。

楼主今早（17日）在facebook群组“北区之友 Friends of North District （上水、粉岭、沙头角和打鼓岭）”上传照片，相信由座位上拍摄，拍到在港铁头等车厢内，有名穿啡色外套的男子坐在车卡连接门前，打开连锁牛肉饭店的外卖，胶袋内还有另一盒外卖及1枝水，打算在车厢内开餐。楼主批评：“下次试韩烧或者打边炉啦。”

帖文即引起热议，有网民笑称两盒外卖“一盒早餐，一盒午餐”、“系头等入面食，识玩”。部份网民批评楼主不应公审，可能是“佢饿到抽筋”，“堂食无位，迫于无奈！细路仔打番格仔”、“似系年轻人，如果系返工时间，又第一次见到咁，或者可以先睇开少少既，下次又见到出声同佢讲”、“每个人都有难处，可能有得拣佢都唔想系到食饭”、“辛苦小孩了，以前返夜校我也是在巴士食面包去上学”、“佢嗱嗱声食完无整污糟咪得啰”。

另一部份网民就指，如果吃面包一类的食物大可忍让，“食呢啲味咁大嘅饭菜，成车厢人闻你啲口水饭味？有人喺车厢内闻到呢啲味会想呕，佢冇谂过其他人感受，我何必去理佢系咩情况，系我就直接上去XX佢”、“呢啲唔系包容，系纵容”、“希望每位乘客尊守规则，有一个卫生和清静交通旅程”。有街坊表示前几日已见过这名男生。

楼主其后表示，该男生“系一路食一路打机，再将盒饭放喺地面，两只手打，野餐咁滋味”，如明知不可进食，更应该快快吃完，否则他既污染车厢，也可能吃到细菌，“人哋早餐赶时间都系咬面包，快快手手”、“Post上嚟呃like咩”。

见不少留言指男乘客“仲细”，他反驳对方已非“细路仔”，“如果有理由就可以唔使理规则，咁定规则嚟做咩，试下入头等话好忙唔记得，睇下又有无事”。

根据港铁附例，任何人士不得在港铁付费区内进食任何食物或饮用任何饮品，违例人士最高可被罚款2,000元。