穷人开冷气2大执着？港女呻瞓到热醒　网民：开1晚只系1樽可乐钱…

开冷气随时引起家庭纷争？有港女日前大呻穷人对开冷气的2大执着，指家人规定家中只有1人或气温未过30度时，绝不可开冷气，甚至一大早就关上，令她“朝早6点就会被热醒”，难养足精神，“今日wfh，做到心口出晒汗”，不明白为何差少少钱仍要折磨人。帖文令许多网民超有共鸣，直指难理解上一辈的“穷人思维”，悭完可能得不偿失，又指新式变频冷气耗电不高，“其实开1晚冷气只不过系1樽可乐钱…但啲老一辈就系咁，做事全凭刻板印象”。

楼主在Dcard讨论区以“穷人开冷气嘅执着”为题发文，大呻家人开冷气有2个执着，第1是家中只有1个人时不可以开，“得你1个叹咪唔抵”、第二是温度未达30度不准开，“未够热”。

楼主称家人早上就会关冷气，“朝早6点就会被热醒嘅人，瞓得4个钟”、“搞到我发噩梦，热醒瞓唔返”，难理解“差𠮶少少钱”都不让她养足精神上班。

楼主补充自己有付家用，有段时间天气潮湿，“成地笠黐黐、张床湿笠笠”，家人仍拒绝开冷气，虽然家中有抽湿机，但一样不肯开，“由你湿到唔舒服，唔明差少少钱点解要令自己咁难受”、“今日wfh，做到心口出晒汗，工作台个位系风扇唔可以直吹到，开窗又冇乜风，救命”。

网民纷纷认同楼主看法，认为拒开冷气，“搞到一阵味，又要开水冲干净先返工，浪费水同时间”、“穷人只会谂悭钱，唔会谂到悭钱嘅同时失去咗啲咩”，“其实开一晚冷气只不过系一樽可乐钱…但啲老一辈就系咁，做事全凭刻板印象”。电费视乎冷气匹数及能源效益，网民指“我屋企24小时开1部，夜晚开2部，（电费）都只系2,200（元）左右”，建议楼主出资装变频式冷气，长开较为悭电，“将来搬出去啦”。

帖文更令背景相似的网民感同身受，难理解上一辈的“穷人思维”，“尤其是系𠮶啲24、25度，但系落足两个礼拜雨的日子，湿到XX，但系一要开冷气就开始吵，为乜嘢呢？”、“我屋企都系吖，开风扇都好热，但就系唔畀开”、“最惨系仲要话你知钱系周围悭少少咁悭翻嚟”。

有留言指，家人们未必在乎实际悭多少，“只系追求悭到钱𠮶一种满足感”，又分享穷人还有其他执着，例如“坏到用唔到先换”，“我屋企冷气坏坏哋，唔系好凉，屋企人死都唔肯换新冷气，拖咗差唔多2年”，结果不够凉快要长开，多出的电费其实够买新冷气。

（Dcard）