公屋｜港男获首派彩虹邨嫌旧　欲放弃再轮候　2关键被网民笑走宝

公屋单位一屋难求，但即使获派到，但都未必合乎心水。一名港男在网上大呻，首派彩虹邨，慨叹逾60年楼龄“就快重建（嘅）楼，点要得㗎”，打算放弃这次配房，但想咨询网友意见。网民纷纷留言指彩虹邨交通便利，而且作日重建一样会改派单位，“你唔要，大把人想要”、“感觉唔好，咪再搏下，最紧要唔好怨！”、“唔好睇小啲楼龄旧嘅楼啦，入面间隔先好，空气都唔错，附近又咩都有”。

楼主在facebook群组“香港公营房屋讨论区(FB版) 公屋 居屋 绿置居 租置 房协 装修 家私 平面图 富蝶邨 丽瑶邨喜瑶楼 乐建居”表示，自己目前租楼，最近首派彩虹邨紫微楼，但都不觉得开心，因为彩虹邨紫微楼1962年入伙，到目前超过60年楼龄，形容“就快重建（嘅）楼，点要得㗎”，想咨询网民意见，以及“请问大家系咪唔要都要准时去报到”。

帖文引来多人讨论，网民纷纷留言指“你唔要，大把人想要”、“感觉唔好，咪再搏下，最紧要唔好怨！”、“唔好睇小啲楼龄旧嘅楼啦，入面间隔先好，空气都唔错，附近又咩都有”，亦有人指出“试过打电话去取消都得”、“可以不用，电话就可以了， 到时都会有拒绝确认信寄返畀你，讲明扣一次机会。无咩影响，放心”。

有网民提到，旧公屋若要重建，到时也会改派新单位，不用过虑，“我华富邨都系咁要啦！到时重建一定畀返你同区”、“重建会派新楼！彩虹邨交通都算好方便㗎喇”。

（facebook群组“香港公营房屋讨论区(FB版) 公屋 居屋 绿置居 租置 房协 装修 家私 平面图 富蝶邨 丽瑶邨喜瑶楼 乐建居”）